– Elordada jekemenshik sektordy gazdandyrý jumysy júrip jatyr. Qazir Almaty, Saryarqa aýdandary tolyǵymen gazdandyryldy. Osy maqsatta 680 km-den astam gaz taratý jelisi salyndy, bul jeliler 9 eldi mekenge jetkizildi. Al qalǵan eki aýdan boiynsha jumystar kezeń-kezeńimen júzege asyrylady, – dedi Altai Kólginov.
Gazdandyrý jumysy qalanyń ekologiiasyna oń áserin tigizetini anyq. Elordada aýa temperatýrasy tómendegen kúnderi qalany qoiý tútin tumshalap ketetini belgili. Bul – jekemenshik sektorlar jaqqan kómirden paida bolatyn tútin. Qala ekologiiasynyń aitarlyqtai jaqsarýy úshin jekemenshik sektorlar tolyqtai gazǵa kóshýi kerek.
Qazir 3 myńǵa jýyq otbasy óz úiine gaz ornattyp úlgergen. Bul – shamamen 40 myń tonna kómir. Gazǵa qosylatyn úiler sany kún sanap kóbeiip keledi. Sol siiaqty JEO-1 jáne JEO-2-degi barlyq sý jylytý qazandyǵyn gazǵa aýystyrdyq.
– Jumysymyzdyń mańyzdy bólikteriniń biri – áleýmettik az qamtylǵan otbasylarǵa qoldaý kórsetý. Gazdandyrý jumysy bastalǵaly osy sanattaǵy otbasylarǵa arnap úiin gazǵa kóshirý úshin áleýmettik kómek kórsetý tetigin engizdik. Osy sanattaǵy otbasylarǵa búginge deiin 90 AEK mólsherinde qarjylai kómek kórsetilip kelgen – bul 260 myń teńgeden astam somany quraidy. Endi áleýmettik kómek mólsherin 130 AEK-ke deiin, iaǵni 400 myń teńgege deiin arttyrýdy josparlap otyrmyz. Bul bastama jaqyn arada qalalyq máslihattyń qaraýyna engiziledi. – dedi qala basshysy.
Sonymen qatar qalany gazdandyrý jumysy tikelei Memleket basshysynyń baqylaýynda ekenin Altai Kólginov tilge tiek etti.
