Japoniianyń Aichi halyqaralyq arenasynda Qazaqstan komandasy dziýdodan HH jazǵy Aziia oiyndarynyń ekinshi kúmis júldesine qol jetkizdi, dep habarlaidy dalanews.kz.
Parij Olimpiadasynyń jeńimpazy, álem chempiony Eldos HH jazǵy Aziia oiyndarynyń finalynda (-60 kg) jarys qojaiyny Haiato Kondomen kúresti. Tartysty beldesý nátijesinde japon sportshysy basym tústi.
Osylaisha, búgin Eldos sary qurlyq oiyndaryndaǵy úshinshi medalin moinyna taǵady. Otandasymyz 2014 jyly Inchhonda -60 kg salmaqta altynnan alqa taqqan. Al erler arasyndaǵy komandalyq saiysta kúmis ielengen. Smetov - jazǵy Aziada tarihyndaǵy eń tabysty qazaq dziýdoshysy.
Aita keteiik, tańǵy sessiiada Eldos Smetov alǵashqy beldesýinde Aziia oiyndarynyń kúmis jáne qola júldegeri Li Ha Rimdi (Ońtústik Koreia) taza jyqty. Osydan keiin álem chempionatynyń kúmis júldegeri Ariýnbold Enhtaivannyń (Mońǵoliia) jaýyrynyn jerge tigizdi. Jartylai finalda Tokio Olimpiadasynyń kúmis júldegeri, Hanchjoý Aziadasynyń chempiony Ian Iýnveiden (Taipei) basym tústi.
Bul - dziýdodan Qazaqstan komandasynyń osy básekedegi ekinshi kúmis júldesi. Osyǵan deiin Abiba Ábýjaqynova 2-oryn alǵan.
