«El Daýysy» QQ 2026 jylǵy 23 tamyzda ótken Quryltai depýtattaryn sailaý barysyndaǵy qoǵamdyq baiqaýdyń qorytyndysyn shyǵardy, dep habarlaidy dalanews.kz.
Daýys berý kúni qor atynan Qazaqstannyń 20 qalasynda 582 ókil jumys istedi. Statsionarlyq baiqaýmen 457 sailaý ýchaskesi qamtyldy. Qordyń qalǵan ókilderi mobildi kapitandar retinde jumys istep, jergilikti jerlerde baiqaýshylardyń jumysyn úilestirdi, jedel túrde oqiǵa oryndaryna baryp, aqparatty respýblikalyq shtabqa jetkizip otyrdy.
Kúni boiy qor baiqaýshylary daýys berý barysyn, belgilengen rásimderdiń saqtalýyn, baiqaýshylardyń jumys isteý jaǵdailaryn baqylap, ýchaskeler jabylǵannan keiin daýystardy sanaý jáne qorytyndy hattamalardy rásimdeý protsesin qadaǵalady.
Qordyń respýblikalyq shtabyna yqtimal zań buzýshylyqtar men daýly jaǵdailar týraly 11-den astam habarlama kelip tústi. Aldyn ala tekserý nátijesinde aldyn ala qorytyndy shyǵarý sátinde úsh fakt rastaldy.
Olardyń ekeýi daýys berý kabinalary ornalasqan aýmaqta beinebaqylaý kameralarynyń bolýyna qatysty. Alaida buǵan nazar aýdarǵan baiqaýshylardyń qyraǵylyǵynyń arqasynda ASK ókilderi eskertýge sol jerde jedel áreket etip, kameralardy jaýyp tastady.
Taǵy bir jaǵdai Aqtóbe qalasyndaǵy №25 sailaý ýchaskesinde tirkeldi jáne múgedekter arbasymen qozǵalatyn adamnyń sailaý ýchaskesine qoljetimdiligine qatysty boldy.
Baiqaýmen qamtylǵan ózge ýchaskelerde aldyn ala qorytyndy shyǵarý sátinde daýys berý barysyna qatysty keń aýqymdy qorytyndy jasaýǵa negiz bolatyn rastalǵan faktiler qor tarapynan tirkelgen joq.
Usynylǵan derekter qazirgi ýaqytta óńdelip, rastalǵan aqparatty ǵana qamtidy. Daýys berý bir kún buryn aiaqtaldy, al kúni boiy 20 qaladan 20-dan astam jumys jáne úilestirý chaty arqyly aqparat kelip tústi. Bul — ýchaskelerden kelgen habarlamalar, esepter, foto jáne beinematerialdar men qujattardyń aýqymdy kólemi.
Alynǵan jáne óńdelgen derekter negizinde daýys berý ashyq ári Qazaqstan Respýblikasynyń zańnamasyna sáikes ótkenin atap ótemiz.
«Biz úshin baiqaýshylarymyz jumys istegen ýchaskelerdegi jaǵdaidyń obektivti kórinisin alý mańyzdy boldy. Biz aldymyzǵa tek zań buzýshylyqtardy tabý mindetin qoiǵan joqpyz jáne olardyń sanyn baiqaý sapasynyń kórsetkishi dep sanaimyz. Kúni boiy shtabqa 20 qaladan úlken kólemde aqparat kelip tústi, sondyqtan búgin biz tekserilgen jáne rastalǵan derekterdi ǵana jariialap otyrmyz. Qalǵan materialdardy óńdeý jumystary jalǵasyp jatyr. Degenmen, qazirdiń ózinde sailaýshylardyń belsendi bolǵanyn, daýys berý ashyq ári Qazaqstan Respýblikasynyń zańnamasyna sáikes ótkenin aitýǵa bolady. Bizdiń ustanymymyz ózgermeidi: aldymen fakt jáne ony tekserý, sodan keiin ǵana qorytyndy», — dedi «El Daýysy» QQ basshysy Aida Djeksenova.
«El Daýysy» QQ 2020 jyldan beri sailaý protsesterine qoǵamdyq baiqaý júrgizip keledi. Biylǵy naýqan qor úshin altynshy baiqaý naýqany boldy.
