Qazaqstanda biyl alǵashqy toǵyz aida jalǵan aqparat taratýǵa qatysty 64 qylmystyq is qozǵalǵan. Bul týraly ishki ister ministri Erjan Sadenov depýtattyq saýalǵa bergen jaýabynda aitty, dep habarlaidy dalanews.kz.
Qylmystyq kodekstiń 174-babynda áleýmettik, ulttyq, etnikalyq, násildik nemese dini alaýyzdyqty qozdyrýǵa, 274-babynda kórineý jalǵan aqparat taratýǵa qatysty jaýapkershilik kózdelgen. Al Ákimshilik quqyqbuzýshylyq týraly kodekstiń 456-2-baby jalǵan aqparat pen zańǵa qaishy kontentti jariialaýǵa jáne taratýǵa qatysty.
Málimet boiynsha toǵyz aida 174-bap boiynsha 72 qylmystyq is qozǵalyp, onyń 21-i sotqa joldanǵan. 274-bap boiynsha 64 is qozǵalyp, onyń toǵyzy sotqa jiberilgen. Al 456-2-bap boiynsha 124 adam ákimshilik jaýapkershilikke tartylǵan.
Áleýmettik jelidegi zańǵa qaishy kontentti anyqtaý jumystary barysynda 184 paraqsha tekserilgen. Nátijesinde 86 adam ákimshilik jaýapkershilikke tartylǵan. Onyń 56-syna aiyppul salynyp, 29-y qamaýǵa alynǵan, bir adam qoǵamdyq jumysqa tartylǵan.
Aita keteiik, buǵan deiin Quryltai depýtaty Jarqynbek Amantaiuly áleýmettik jelidegi tikelei efirlerde taraityn zańǵa qaishy kontentke jaýapkershilikti kúsheitýdi usynǵan edi.
