Darıǵa Nazarbaeva men onyń otbasy Kan qalasynda ótken keshte kózge tústi, - dep habarlaıdy Dalanews.kz.

Vıdeo telegram arnada paıda boldy. Beınejazbada Darıǵa Nazarbaeva, uly Nuráli Álıev pen onyń áıeli Aıda Álıeva, balalary Laýra, Amıra men Alan Kan qalasyndaǵy qymbat is-sharada júrgenin kórýge bolady. 

Ashyq derekkózderdiń málimetinshe, bul sharaǵa qatysý quny da arzan emes: keshke qatysamyn deýshiler eki adamǵa 33 myń eýro nemese 17,5 mıllıon teńge tóleýi kerek. 

Sharada áýlettiń alty adamy júr. Osylaısha Nazarbaevtyń qyzy, nemereleri men shóbereleri bir sharaǵa qatysýdyń ózine 52,6 mıllıon teńge bergen bolýy múmkin. 

Kan qalasyndaǵy Knights of Charity Gala qaıyrymdylyq sharasy Château de La Croix des Gardes in Cannes jekejaıynda (osobnák) ótken. 

Kesh uıymdastyrýshysy - gollıvýd juldyzy Sheron Stoýn (SHARON STONE). 

Qaıyrymdylyq sharasy Monakonyń qazirgi kinázi Grace Kelly qurmetine uıymdastyrylǵan. 

Aýksıonda qymbat lottar oınatylǵan.