Prezident Qasym-Jomart Toqaevtyń qatysýymen úkimettiń keńeitilgen otyrysy ótip jatyr. Onda Memleket basshysy aldaǵy mindetterdi oryndaý úshin Úkimetke de, ákimdikterge de tiisti quzyret berilgenin eske saldy, dep habarlaidy Dalanews.kz.
"Alaida, bul múmkindikter kóp jaǵdaida durys qoldanylmai jatady. Sonyń kesirinen reformalardy júzege asyrý qarqyny báseńdep ketti. Mundaidy doǵarý kerek.
Memlekettik organdar arasynda ózara kelisý men talqylaý jumysy aiaqtalǵansha, kez kelgen bastamanyń negizgi mán-mańyzy da ózgerip ketedi. Biýrokratiiany toqtatý qajet, bizge naqty nátije kerek", - dedi Toqaev.
Ol Úkimet pen ákimder jumys isteý tásilin túbegeili ózgertýge tiis ekenin alǵa tartty. Jumys barysynda júieli ustanym bolýy qajet. Máseleni jedel sheshýmen qatar, ekonomikanyń uzaqmerzimdi damýyn qamtamasyz etý óte mańyzdy.
"Qazirgi jaǵdaida ekonomikamyzdyń meilinshe erkin damýyna mán berýimiz qajet. Elimizdi damýdyń jańa belesine shyǵaramyz desek, bul jumysty jedel jáne dáiekti túrde júrgizgen jón. Men byltyrǵy Joldaýymda jańa ekonomikalyq saiasattyń negizgi baǵyttaryn aiqyndap berdim. Sondyqtan búgin men qazirgi ekonomikalyq ahýalǵa qatysty ózekti máselelerge toqtalamyn", - dedi Prezident.
