Mádeniet jáne aqparat ministri Aida Balaeva atyshýly Qýandyq Bishimbaevtyń isine qatysty pikir bildirdi, - dep habarlaidy Dalanews.kz.
"Bizdiń elde tsenzýraǵa tyiym salynady, al media oiynshylar kóbine "tyiym salynbaǵannyń bárine ruqsat etiledi" qaǵidaty boiynsha jumys isteidi. Biz jaqynda jýrnalistik etikaǵa arnalǵan dóńgelek ústel ótkizdik jáne sol jerde jýrnalistiń etikasy óz-ózin qadaǵalaý sheginde bolýy kerek degen qorytyndyǵa keldik.
Búginde kórip otyrǵanymyzdai, ózin-ózi qadaǵalaý degen nárse kóbine jumys istemeidi, ásirese, oiynshylardy "qyzyqtyrýǵa" bolatyn kezde.
Biz mehanizmderdi túsinemiz jáne Bishimbaev isinde búgin bolyp jatqan media naýqannyń qalpyn kórip otyrmyz. Ókinishke qarai, teris múddeni basshylyqqa ala otyryp, barlyq qabyldanǵan jalpyadamzattyq normalar men qaǵidalarǵa qaishy, ótirik ári qoǵamdyq sanany manipýliatsiialaýmen ainalysatyn adamdar qoǵamnan shettetiledi. Óitkeni qoǵam aqymaq emes.
Men árqashan kásibi jýrnalister qaýymdastyǵyn baǵalaý kerek dep aitatynmyn. Olar - oily, aqyldy jáne kúshti adamdar", - dedi ministr Tengrinews.kz-ke bergen suhbatynda.
Buǵan deiin aitysker aqyn, Májilis depýtaty Rinat Zaiytov ta eks-ministr Qýandyq Bishimbaevqa qatysty júrip jatqan osy aqparattyq naýqanǵa pikir bildirdi.
Zaiytovtyń sózinshe, Bishimbaev ta halyqty ońai aldaýdy biletin Eski Qazaqstannyń, eski júieniń adamy.
"Qýandyq Bishimbaev degen azamat - kezindegi júiede jumys istep, qoǵamdy qalai aldaýsyratý kerek, qoǵamdyq pikirdi qalai burý kerek ekenin óte jaqsy meńgergen adam.
Meniń oiym, qazir Núkenova hanymnyń tarapyna jasalyp jatqan shabýyldar, taǵy bir aqparat shyqty, onyń baýyryn ba taǵy bireýdi qyz zorlamaqshy boldy deidi. Adamnyń aýzy barmaityn qylmysqa qatysy bar degen siiaqty áńgimeler shyqty. Onyń barlyǵy sol áýlettiń qoǵamnyń arasyndaǵy pikirdi qalai burmalaýǵa bolatynyn jaqsy meńgergenin kórsetip tur", - deidi depýtat.
Rasynda da, áleýmettik jelide marqum Saltanat Núkenovanyń aǵasy Aitbek Amangeldige qatysty jazbalar paida boldy.
Daý Elena Semenova esimdi jeli qoldanýshysynyń jazbasynan keiin shyqty.
"...Eń bastysy, nege marqumnyń aǵasy Aitbek Amangeldi, zorlyq-zombylyq kórgen áielderdi qorǵaityn adal adam ózi týraly bar shyndyqty aitpaidy? Nelikten ol ózine qatysty aryz túskeni jaily shyndyqty aitpaidy? 10 jastaǵy qyzdy, iaǵni burynǵy ministr Bishimbaevtyń qyzyn zorlaý áreketi týraly raport baryn nege aitpaidy?
Ol zorlaý týraly aryz berilgennen keiin tergeýden qalai qutyldy? Nelikten Aibek Amangeldiniń jaǵdaiynda sot tóreligi nátije bermedi, burynǵy ákim bolǵan aǵasynyń yqpaly boldy ma eken? Nelikten tergeý organdary birneshe saraptama júrgizbedi? Al Bishimbaevtyń burynǵy jubaiy úshin ne ózgerdi, ol aryz jazyp, sodan keiin eshteńe bolǵan joq dep aryzdy nege qaitaryp aldy? Qai kezden bastap bizde dálel emes pikir eskerildi? Nelikten qyzdyń anasy qaitys bolǵan adamdy altyn adam deidi? Bul, bir sózben aitqanda, aqsha úshin bárine kóz jumýǵa daiyn ekijúzdilik dep atalady!" - dep jazdy ol.
Keiin Bishimbaevtyń 14 jyl otasqan birinshi áieli Nazym Qaharman munyń bárin joqqa shyǵardy.
Aitysker Rinat Zaiytov mundai adam ólimi bolǵan jerde qylmyskerdi eshqashan aqtaýǵa bolmaitynyn aitady. Degenmen qazir qyzý aqparattyq soǵys júrip jatqanyn eshkim joqqa shyǵarmaidy.
"Meniń oiym, ondai qylmystyq isterde, kisi ólimi bolǵan qylmystyq isterde, dáleli bar qylmystyq isterde qandai da bir aqtalýdyń oryn alýy múmkin emes. Ondai aqparattyq soǵys bolyp jatyr.
Ókinishke qarai, jábirlenýshi tarap aqparattyq soǵysta utylyp jatyr dep oilaimyn", - dedi Zaiytov.
Májilis depýtaty eldegi sottyń ádildigine de kúmán keltirdi.
"Qazaqstanda sońǵy ret ádiletti sotty qashan kórdińiz?! Bizdiń sot júiesi jeke memleket siiaqty jumys isteidi. Ashqysy kelse ashady, japqysy kelse jabady. Halyqtyń qatysýymen ashyq sot jasaý kerek deitindei Bishimbaev degen oppozitsiialyq tulǵa ma, halyqtyń sózin sóilegen adam ba, jazyqsyz jábir kórip sottalyp jatqan adam ba?!" - dep ashyndy depýtat.
Zaiytov aityp otyrǵan aqparattyq soǵys bastalyp ketkenine biraz ýaqyt boldy. Buǵan deiin jýrnalist Syrym Itqulov burynǵy ministr Ermuhamet Ertisbaevty Bishimbaevty qoldaýǵa qatysy bar adamdardyń biri ekenin aitqan edi.
"Qýandyqtyń ákesi Ýálihan Bishimbaevtyń ulyn qorǵashtap, qoǵamdaǵy pikirge áser etýge tyrysqan videosy esterińizde me? Ol jýrnalister men blogerlerdiń úsitnen ózin, ulyn, olardyń otbasyn kópshilik aldynda qorlaǵany úshin aryz jazdy.
Al buqaraǵa ún qatý úshin oǵan Nazarbaevtyń bulbuly - Ermuhamet Ertisbaevtan basqa eshkim múmkindik bergen joq.
Ýálihan Bishimbaev ta sol siiaqty, ómir boiy "eski qazaqstandyq". Ýniversitetti basqaratyn qatardaǵy rektor retinde esepsiz bailyq jinady. Olar qandai joldarmen "tabylǵany" túsinikti, sonyń arqasynda jubaiy uzaq jyl boiy tabysty biznesti basqardy.
Kópshilik Qýandyq Bishimbaevtyń ózi de sybailas jemqorlyq úshin otyrǵanyn umytyp ketti, biraq týystarynyń yqpaldy bailanystarynyń arqasynda ol merziminen buryn bostandyqqa shyqty", - dedi Itqulov.
Bala quqyqtary jónindegi ýákil Dinara Zákieva da osy is boiynsha dabyl qaǵyp, Bishimbaevty aqtaityndarǵa tańy bar ekenin jazdy.
