Portýgaliia quramasynyń jáne Saýd Arabiiasynyń «Ál-Nasr» klýbynyń shabýylshysy Krishtianý Ronaldý kásibi fýtboldaǵy sońǵy kezeńine jaqyndaǵanyn málimdedi, dep dalanews.kz tilshisi Sportinside.kz basylymyna silteme jasap habarlaidy.
41 jastaǵy fýtbolshynyń aitýynsha, aldaǵy bir jyl onyń úlken fýtboldaǵy sońǵy maýsymy bolýy múmkin.
«Bul meniń fýtboldaǵy sońǵy jylym bolýy yqtimal. Artymnan úlken mura qaldyrǵym keledi. Fýtboldan keiin ómirde bos keńistik paida bolýy múmkin, sondyqtan ýaqytyńdy túrli ispen toltyrý qajet. Kóbirek saiahattap, ózim jaqsy kóretin padelmen ainalysyp, osy ýaqytqa deiin jetken jetistikterimnen lázzat alǵym keledi. Óitkeni bul qurbandyqqa toly 25 jyl boldy», – dedi Ronaldý.
Krishtianý Ronaldý kásibi mansabynda «Sporting», «Manchester Iýnaited», «Real Madrid» jáne «Iýventýs» klýbtarynda óner kórsetti. Qazir ol Saýd Arabiiasynyń «Ál-Nasr» komandasynyń namysyn qorǵap júr.
