Búgin Aiagóz aýdanynda alǵash ret «Qazaqstan halqyna» qorynyń «JASAMPAZ URPAQ» jobasy aiasynda uiymdastyrylǵan «Digital Urpaq: Ayagoz 2026» aýqymdy tehnologiialyq jáne shyǵarmashylyq is-sharasy barysynda jańartylǵan «Jas tehnikter stantsiiasy» paidalanýǵa berildi. Saltanatty sharaǵa oblys ákimi Berik Ýáli, «Qazaqstan halqyna» qoǵamdyq qorynyń Basqarma tóraiymy Lázzat Shyńǵysbaeva qatysty, dep habarlaidy dalanews.kz.
Joba aiasynda 13 úiirme jumys isteidi. Onyń ishinde robototehnika, avtomodeldeý, aviamodeldeý, alǵashqy tehnikalyq úlgileý, sándik-qoldanbaly óner, tigin isi jáne sport týrizmi baǵyttary jańǵyrtylyp otyr. Sonymen qatar, zaman talabyna sai 8 jańa úiirme ashylady. Atap aitqanda, 3D-modeldeý jáne basyp shyǵarý, zymyran jasaý jáne ushqyshsyz ushý apparattary, foto jáne beinemontaj, vokal jáne dybys jazý, tehnikalyq shyǵarmashylyq, qysh óneri jáne tsifrlyq tehnologiialar. Bul baǵyttar balalardyń tyń ideialaryn júzege asyrýǵa jol ashady.
Jobanyń negizgi maqsaty balalar men jasóspirimderdiń injenerlik, tsifrlyq jáne shyǵarmashylyq quzyretterin damytý. Aýyl jáne aýdan mektep oqýshylaryna zamanaýi tehnologiialardy meńgerýge múmkindik berý arqyly olardyń kásibi áleýetin ashý jáne bolashaqtyń suranysqa ie mamandyqtaryna daiarlaý kózdelgen.
Ashylý rásiminde quttyqtaý sóz sóilegen aimaq basshysy jańa ortalyqtyń aýyl balalary úshin zor múmkindik ekenin atap ótti.
«Biz jasandy intellekt pen avtomattandyrý dáýirinde ómir súrip jatyrmyz. Bul stantsiia balalardyń robototehnika, baǵdarlamalaý jáne tsifrlyq dizain salasyndaǵy alǵashqy qadamdaryn jasaýyna múmkindik beredi. Bizdiń maqsatymyz – tek tehnologiiany meńgerý emes, zamanaýi quraldardy paidalana otyryp, ulttyq qundylyqtarymyz ben dástúrli ónerimizdi jańa deńgeige kóterý. Osy jerden shyqqan shákirtter erteńgi kúni elimizdiń indýstriiasyn alǵa súireitin bilikti injenerler, IT-mamandar men ónertapqyshtar bolady dep senemin. Memleket basshysynyń Qazaqstan halqyna arnalǵan Joldaýynda Qazaqstandy tsifrlyq tehnologiialary damyǵan memleketke ainaldyrýdy el damýynyń basym baǵyttarynyń biri retinde atap ótken bolatyn. Osy strategiialyq mindet aiasynda eldiń bilim berý áleýetin arttyrý maqsatynda «Qazaqstan halqyna» Qorynyń qoldaýymen «Batyr bolamyn» jáne «USTEM Foundation» qorlary balalar men jasóspirimderdiń tsifrlandyrý jáne jasandy intellekt dáýirindegi shyǵarmashylyq, tehnikalyq jáne ziiatkerlik áleýetin damytý, zamanaýi tehnologiialar men dástúrli óner baǵyttaryn ushtastyra otyryp, kásibi daǵdylar qalyptastyrý úshin jumystar atqaryp jatyr. Jas tehnikterdiń baǵyt-baǵdaryn aiqyndap, olardy biik belesterge jeteleý – sizderdiń qoldaryńyzda. Stantsiia jumysyna shyǵarmashylyq tabys tileimin! Aiagóz jerinen álemdi tańǵaldyratyn jańa esimder shyǵa bersin. Mekemelerińiz qutty bolsyn, qadamdaryńyz sátti bolsyn!», - dedi Berik Ýáli.
«Qazaqstan halqyna» qoǵamdyq qorynyń Basqarma tóraiymy Lázzat Shyńǵysbaeva jańa nysannyń ashylýymen quttyqtady.
«Belsendi jastar, búgingi ortalyqtyń ashylýymen barshańyzdy shyn júrekten quttyqtaimyn. Qala men aýyl balalarynyń sapaly bilim men zamanaýi múmkindikterge qoljetimdiligi teń bolýy qajet. Búgingi jas urpaqtyń áleýeti óte joǵary. Sondyqtan bilim alýdan, izdenýden jáne jańa bastamalardan qoryqpańyzdar. Árdaiym oqyp, damyp, alǵa umtylyńyzdar», - dedi Basqarma tóraiymy.
Ashylý saltanatynan keiin oblys ákimi «Qazaqstan halqyna» qoǵamdyq qorynyń Basqarma tóraiymymen birge mekeme ishindegi kabinetterdi aralap, oqýshylarmen, ustazdarmen pikirlesti.
«Jasampaz Urpaq» jobasy Abai oblysynda 2025 jyldan beri pilottyq rejimde júzege asyrylyp keledi. Joba aiasynda Aiagóz, Jańasemei, Maqanshy jáne Besqaraǵai aýdandaryndaǵy qosymsha bilim berý uiymdary tolyq jańǵyrtylyp, zamanaýi tehnologiialyq jabdyqtarmen qamtamasyz etildi. Nátijesinde aýyldyq jerlerdegi balalar men jasóspirimder úshin ozyq bilim berý resýrstaryna qoljetimdi orta qalyptasty.
Qazirgi tańda úiirmelerge 216 oqýshy qatysady. Jańa baǵyttar iske qosylǵannan keiin taǵy 212 bala úiirmelerge qatysýǵa múmkindik alyp, 428 oqýshy bir mezgilde bilim almaq.
