22 maýsym kúni 750 attyń kúshi bar Bayraktar AKINCI B ushaǵy 13 716 meterge (45 118 fýt) bıiktikke kóterilip, rekkorddyq nátıjege qol jetkizgen. Osylaısha túrik aǵaıyndardyń áskerı ushaǵy úshinshi ret rekkordty jańaratyp otyr.
Shorly áskerı áýejaıynda ótken synaq kezinde Bayraktar AKINCI B 20 saǵat 23 mınýt ushyp, rekkordtyq nátıjege qol jetkizip, din-aman oralǵan.
Esterińizge salamyz 450 attyń kúshi bar Bayraktar AKINCI ushaǵy 2021 jyly 8 shildede 38 039 fýt bıiktikke kóterilip, alǵash ret rekkordtyq nátıjege qol jetkizgen edi.
Al Bayraktar AKINCI B 2022 jyldyń 11 naýyryz aıynda 40 170 fýt bıiktikke kóterilip, ekinshi ret joǵary nátıjege qol jetkizgen-di. Endi araǵa eki aı salyp, Bayraktar AKINCI B taǵy da rekkordty jańartty.
Osy rette sońǵy synaq kezinde Bayraktar AKINCI B 6406 shaqyrym qashyqtyqqa ushyp, uzaq ushatynymen de kózge tústi.
Qazirgi tańda Bayraktar kompanıasy 4 elge ushaq satý boıynsha kelsim-shartqa qol qoıǵan. Al Bayraktar TB2 SİHA ushaǵyn 22 el satyp alǵan. Búginde Bayraktar kompanıasy Túrkıanyń áýe-ǵarysh salasyna 664 mln dollar paıda keltirgen kóshbasshy kompanıaǵa aınalyp otyr.
