Almaty oblystyq sotynda Jomart Ertaevqa qatysty raqymshylyqty qoldaný máselesi boiynsha material apelliatsiialyq tártipte qaraldy, dep habarlaidy Dalanews.kz.
Buǵan deiin, 2025 jylǵy 2 qyrkúiektegi Almaty oblysy Alataý qalasy sotynyń qaýlysymen sottalǵan Ertaevtyń ótinishi qanaǵattandyrylyp, Qazaqstan Respýblikasy Konstitýtsiiasynyń otyz jyldyǵyna bailanysty raqymshylyq jasaý týraly Qazaqstan Respýblikasy Zańynyń 3-baby 6-tarmaǵyna sáikes, oǵan 11 ai 16 kún ótelmegen jaza merzimi boiynsha raqymshylyq qoldanylyp, bosatylǵan bolatyn.
Bul raqymshylyq tarmaǵyna sáikes, aýyr jáne asa aýyr qylmys jasaǵan, jaǵymsyz minez-qulqy joq, óteýge qalǵan jaza merzimi 1 jyldan aspaityn sottalǵandarǵa jazanyń ótelmegen bóligi qysqartylady.
Sot alqasy materialdy zerdelei kele, kelesini anyqtady:
Ertaev eki úkimmen sottalǵan: 2020 jylǵy 16 qarashadaǵy jáne 2021 jylǵy 3 naýryzdaǵy.
2021 jylǵy 25 maýsymdaǵy Almaty qalasy Almaly aýdany sotynyń qaýlysymen bul úkimder jiyntyǵymen túpkilikti jaza merzimi belgilengen.
Alaida, atalǵan qaýlyda birinshi úkim boiynsha ótelgen jazany esepteý máselesi qarastyrylmaǵan. Sonymen qatar, Ertaevqa jaza merzimi qai úkimnen bastap esepteletini kórsetilmegen.
Alataý qalasy sotynyń qaýlysymen №14 mekemeniń anyqtamasy arasynda ótelmegen jaza merzimi boiynsha alshaqtyqtar bar. Sonymen qatar, mekeme anyqtamasyna basshy qol qoimaǵan.
Joǵaryda atalǵan mán-jailarǵa bailanysty, sottalǵan Ertaevqa raqymshylyq aktisin qoldaný týraly sot qaýlysy kúshin joidy, onyń ótinishi qanaǵattandyrýsyz qaldyryldy.
