Respýblika boiynsha ótip jatqan aktsiia aiasynda erekshe nazar men qamqorlyqqa muqtaj búldirshinderge júieli túrde qaiyrymdylyq kómek kórsetý josparlanýda. Qaiyrymdylyq joba 20 óńirde ótkizilip, 8 myńdai bala tárbielenip otyrǵan 100-ge jýyq mamandandyrylǵan mekemelerdi qamtymaq.
Atalmysh aktsiia aiasynda partiianyń Almaty qalalyq filialy men «Shin-Lain» kompaniiasynyń basshylyqtary, qalalyq máslihat depýtattary jáne «Jastar Rýhy» belsendileri 4 mamandandyrylǵan mekemege bardy. Mekemelerde oiyn-saýyq baǵdarlamalary uiymdastyrylyp, balalarǵa respýblika boiynsha 10 myńnan astam balmuzdaqtar taratyldy. Búginde «Januia», «SOS Almaty Balalar aýyly», «Meiirim», «Ómirlik qiyn jaǵdaiǵa tap bolǵan balalardy qoldaý ortalyǵy» siiaqty uiymdarda tárbielenip otyrǵan búldirshinder, «balmuzdaq – jazdyń eń dámdi nyshany» – ekenin tilge tiek etti.
– Osyndai qaiyrymdylyq jobalardyń sózsiz mańyzdylyǵy zor. Balalar – bizdiń «AMANAT». Biz balalarymyzdyń ósip, damýyna, óz áleýetin júzege asyra alatyn laiyqty jaǵdailardy qamtamasyz etýge qoldaý kórsetýimiz kerek dep esepteimin. Sondyqtan biz barlyq kásipkerlerdi jetim balalarǵa, sondai-aq balalardy asyrap alǵan nemese qamqorlyqqa alǵan otbasylarǵa jan-jaqty qoldaý kórsetýge shaqyramyz, – dep «AMANAT» partiiasy Almaty qalalyq filialynyń tóraǵasy Stanislav Kankýrov málimdedi.
Uiymdastyrýshylar mundai bastamalar qoǵamnyń nazaryn ata-anasynyń qamqorlyǵynsyz qalǵan balalardyń kúndelikti máselelerine aýdarýǵa múmkindik beretinin atap ótti. Sonymen qatar, «Shin-Lain» kompaniiasy vafli stakanyndaǵy «Mishka na poliýse» balmuzdaǵynyń satylymynan túsken paidanyń 1%-yn balalar úiinde tárbielenetin balalarǵa kómekke baǵyttaidy.
Qazirgi tańda, jetim balalar men ata-anasynyń qamqorlyǵynsyz qalǵan balalardy tárbieleýge baǵyttalǵan uiymda balalar sanynyń azaiýyn baiqaýǵa bolady. Statistikaǵa súiensek, búgingi kúni Almaty qalasy boiynsha 3366 bala asyrap alý tizimnde tur eken.
Qaiyrymdy jandar, uiymdastyrǵan «Balalarymyz - amanatymyz!» naýqany jaqsy úrdiske ainalyp, bolashaqta da elimizde júieli túrde ótkizilip otyrady degen úmitte.
