Balanyń bolashaǵyna kapital jinaýǵa «Ulttyq qor – balalarǵa» baǵdarlamasy, «Keleshek» biryńǵai erikti jinaqtaý júiesi jáne «AQYL» bilim berý depoziti kómektesedi. «Báiterek» holdinginiń enshiles uiymy – «Otbasy banki» jinaqtardy tiimdi saqtap, olardy bolashaqta bilim alýǵa nemese turǵyn úi satyp alýǵa jumsaý úshin kóbeitýge múmkindik beredi, dep habarlaidy dalanews.kz.
Alǵashqy kapital qazirdiń ózinde bar
2024 jyldan bastap Qazaqstannyń árbir balasyna Ulttyq qordan investitsiialyq tabystyń bir bóligi aýdarylady. Baǵdarlamaǵa úsh jyl qatarynan qatysyp kele jatqan balalardyń shotynda qazirdiń ózinde 370,56 AQSh dollary jinaqtaldy. 18 jasqa tolǵan qazaqstandyqtar bul qarajatty birden paidalana alady. Ony turǵyn úi jaǵdaiyn jaqsartýǵa nemese bilim alýǵa tóleýge jumsaýǵa bolady.
Jinaq somasy ázirge salystyrmaly túrde az. Sondyqtan qazaqstandyqtardyń basym bóligi bul qarajatty bastapqy kapital retinde paidalanyp, ári qarai jinaqtaryn jalǵastyryp, «Otbasy bankindegi» depozitterin tolyqtyrady. Muny qazirdiń ózinde 198 949 jasóspirim jasady. Úsh jyl ishinde olar Ulttyq qordan túsken 19,5 mlrd teńgeni jinaq shottaryna baǵyttaǵan.
Olardyń barlyǵy qarjylyq saýattylyqtyń negizgi qaǵidatyn jaqsy túsinedi: aqsha qozǵalysta bolýy kerek. Óitkeni kámeletke tolǵannan keiin qarajat BJZQ-daǵy nysanaly shotta qala berse, oǵan qosymsha tabys eseptelmeidi. Al eger aqsha 10 jyl ishinde paidalanylmasa, ol shot iesiniń zeinetaqy shotyna aýdarylady.
Ulttyq qordan túsken jinaq «Otbasy» bankindegi azamattarǵa qalai jumys isteidi:
jinaqqa banktiń 2% mólsherindegi syiaqysy jáne 200 AEK-ten aspaityn somaǵa 20% mólsherinde memlekettik syilyqaqy esepteledi. Memlekettik syilyqaqyny eskergende, depozit boiynsha JTSM 14%-ǵa deiin jetedi;
-qarajatty turaqty túrde jinaqtaý arqyly jyldyq 3,5%-dan 8,5%-ǵa deiingi mólsherlememen turǵyn úi zaemyn alýǵa bolady.*
- bastapqy jarnasy men mólsherlemesi tómendetilgen turǵyn úi baǵdarlamalaryna, onyń ishinde «Naýryz» baǵdarlamasyna qatysý múmkindigi artady;
- depozitti turaqty tolyqtyryp otyrý tabysty rastaýsyz turǵyn úi zaemyn alýǵa múmkindik beredi.
Búginde Ulttyq qordan túsken qarajatty Otbasy bank mobildi qosymshasy arqyly birneshe qadammen alýǵa bolady.
«Keleshek» baǵdarlamasy boiynsha «Otbasy» bankindegi balalardyń shottaryna 8,2 mlrd teńge aýdaryldy
Ótken jyldan bastap Qazaqstanda «Keleshek» biryńǵai erikti jinaqtaý júiesi jumys isteidi. Baǵdarlama aiasynda memleket bes jasqa tolǵan balalarǵa bastapqy bilim berý kapitalyn beredi. Bul qarajat «AQYL» bilim berý depozitterine aýdarylyp, balanyń bolashaqtaǵy bilimine arnalǵan alǵashqy jinaǵyna ainalady.
«Otbasy banki» arqyly mundai memlekettik qoldaýdy qazirdiń ózinde 35 070 qazaqstandyq bala aldy. Memleket tarapynan kórsetilgen qoldaýdyń jalpy somasy 8,2 mlrd teńgeni qurady.
Aldaǵy kúnderi memlekettik qoldaý alatyn balalardyń sany taǵy da artady. 2026 jyldyń birinshi jartyjyldyǵynda bes jasqa tolǵan 15 085 balanyńshotyna bastapqy bilim berý kapitaly aýdarylady. Olardyń «Otbasy bankindegi» bilim berý depozitterine 3,9 mlrd teńge túsedi. Al 2026 jyldyń ekinshi jartyjyldyǵynda bes jasqa tolatyn balalarǵa qarajat 2027 jylǵy aqpanda aýdarylady.
Osylaisha, 2026 jyldyń qorytyndysy boiynsha 29 099 bala bastapqy bilim berý kapitalyn alady. Memlekettik qoldaýdyń jalpy somasy 7,5 mlrd teńgeniquraidy.
Starttyq kapitaldy memleketten saqtap qalý úshin ata-analar balasy kámeletke tolǵanǵa deiin nemese bilim berý uiymyna túskenge deiin «AQYL» depozitine jyl saiyn jarna salyp otyrýy qajet.
