Bas prokýratýra Aidos Sadyqovqa jasalǵan shabýylǵa qatysty málimdeme jasady, - dep habarlaidy Dalanews.kz.
"Búgin Memleket basshysynyń tapsyrmasy boiynsha 18 maýsymda Kievte bolǵan Aidos Sadyqovqa qastandyq jasaý deregi boiynsha Qazaqstan Respýblikasynyń Bas prokýratýrasy sotqa deiingi tergeýdi bastady. Qylmystyq is boiynsha tergeý jedel toby quryldy, onda qylmysty ashýǵa jáne kúdiktilerdi ustaýǵa baǵyttalǵan qajet jedel izdestirý is-sharalary júrgiziledi.
Esterińizge sala keteiik, keshe Qazaqstannyń Bas Prokýrory Ýkrainanyń Bas prokýrorynyń atyna osy qylmysty ashýǵa barynsha tájiribeli qazaqstandyq tergeýshilerdi tarta otyryp, barlyq kómek kórsetý týraly usynys jasaǵan bolatyn. Bas prokýratýra qylmystyq isti tergeý barysyn erekshe baqylaýǵa aldy", - dep jazylǵan habarlamada.
Shabýyldan keiin Ýkrainanyń Bas prokýratýrasy da Sadyqovqa jasalǵan qastandyqqa bailanysty sotaldy tergeý amaldary bastalǵanyn habarlaǵan edi.
Aidos Sadyqov Ýkrainada resmi bosqyn mártebesin alǵan. Al 2023 jyldyń qazan aiynda Sadyqovqa Qazaqstanda "áleýmettik, ulttyq, rýlyq, tektik-toptyq nemese dini alaýyzdyqty qozdyrǵany" úshin izdeý jariialanǵan bolatyn.
Buǵan deiin Ermurat Bapi Aidos Sadyqovty jaqsy biletinin, al "Báse" qatardaǵy oppozitsiialyq resýrs ekenin aitty. Sondai-aq, depýtat bul qastandyqqa Qazaqstan biliginiń reaktsiiasy jóninde, Qazaqstannyń endigi áreketi qandai bolatyny týraly pikir bildirdi.
"Sadyqovtardyń kásibi, saiasi kózqarasy qalai bolǵany mańyzdy emes. Eń mańyzdysy ol - Qazaqstan azamaty. Qai jerden baryp saiasi baspana alsa, ol - ekinshi kezektegi másele. Sondyqtan Qazaqstannyń biligi, Qazaqstannyń tiisti memlekettik organdary Ýkraina tarapyna shyǵyp, bul máselege aralasýy kerek, suraý salýy kerek. Bul halyqaralyq dárejede rezonans alǵan oqiǵa ǵoi. Bir eldiń azamatyn ekinshi bir elde atyp ketý degen, onyń ústine jýrnalist bolsa, oppozitsiialyq resýrstyń jetekshisi bolsa, mindetti túrde Qazaqstannyń tarapy aralasýy kerek. Ekinshiden, Qazaqstannyń buǵan eshqandai da qatysy joq ekenin dáleldeýi kerek qoi. Qazaqstan tarapy únsiz qalatyn bolsa, onda basqa da pikir týýy múmkin. Qazaqstannyń biligi bul iske mindetti túrde aralasyp, istiń mán-jaiyn bilýge áreket etýi kerek degen oiym bar", - dedi Bapi.
Al Prezident Qasym-Jomart Toqaev Qazaqstan bul is boiynsha tergeýge qatysýǵa daiyn ekenin aitty.
"Elimizde Zań ústemdigin nyǵaityp jatyrmyz, iaǵni barlyq salada, eń aldymen, Zań ústemdigin qamtamasyz etý – basty mindet. Bul másele boiynsha meniń kózqarasym – aiqyn. Muny ózderińiz de jaqsy bilesizder. Qazaqstanda Zań men tártip bárinen biik turýǵa tiis. Sondyqtan qoǵamdaǵy barlyq qarama-qaishylyqtar men kelispeýshilikterdi tek qana quqyqtyq turǵydan, iaǵni tiisti Zańnamaǵa jáne negizgi halyqaralyq normalarǵa sáikes sheshý qajet. Keshe Qazaqstan azamaty Aidos Sadyqovqa qatysty Kievte bolǵan qylmysqa da dál osy ustanym turǵysynan qaraǵan jón. Men diplomatiialyq arnalar men quqyq qorǵaý organdary arqyly osy oqys oqiǵa boiynsha resmi suratýlar jiberý týraly naqty tapsyrma berdim. Sondai-aq qajet bolǵan jaǵdaida Qazaqstannyń resmi organdary istiń aqiqatyna jetýge járdem berý úshin tergeý jumysyna qatysýǵa daiyn ekenin aitqym keledi, – dedi Prezident."
