19 naýryzda Nú-Iorkte «Medıson Skver Garden» arenasynda WBA (Super), IBO, WBC jáne IBF tujyrymdary boıynsha orta salmaqtaǵy álem chempıony qazaqstandyq Gennadıı Golovkın (36-0, 33 KO) men  WBA tujyrymy boıynsha álem chempıony amerıkalyq Denıel  Djeıkobs  (32-1, 29 KO) arasynda aıqas ótedi.

Otandasymyzdyń bul jekpe-jegi «Qazaqstan jáne «Kazsport» arnalarynda tikeleı efırde kórsetiledi. Ol saǵat 08.00-de bastalady.

Reportaj kezindegi sarapshylar  olımpıadalyq chempıon, Vel Barker Kýbogynyń ıegeri Serik Sápıev pen Baqtıar Artaev bolady. Bul týraly QazAqparat habarlady.

Atap ótsek, Sápıev «Kazsport», al Artaev «Qazaqstan» arnasynda pikir bildiredi.

Sondaı-aq «Kazsport» arnasy Golovkın — Djeıkobs jekpe-jegine arnalǵan eki arnaıy stýdıalyq baǵdarlama jasaıdy. Onda sarapshylar osy jylǵy eń basty jekpe-jekterdiń  biri jaıynda óz oılarymen bólisedi.

Birinshi baǵdarlama 07.30-da, ekinshi baǵdarlama — jekpe-jek aıaqtalysymen ótedi. Onda olımpıadalyq chempıondar aıqas qorytyndysyn shyǵaryp, negizgi sátterdi talqylaıdy.

Egemen Qazaqstan gazeti