Jańa zań jobasy Túrikmenstan eliniń zańyn negizge ala otyryp jasalmaq. Kórshiles bul memlekette kontsertpen qatar toida da fonogrammamen án salý tyiym salynǵan.
Al qazaqstandyq depýtattar aqsha tólep kontsertke kelgen halyqty aldaýǵa qarsy. Sebebi tyńdarman ánshiniń daýsyn estý úshin keledi, al daiyn jazbany dúkennen de satyp alýǵa bolady.
Bul rette otandyq ártister zańǵa ózgeris engizý týraly usynysqa qarsy shyǵyp jatyr.
«Barlyq ánshiler jandy daýysta dál jazbadaǵydai etip aita almaidy. Ondai ánshiler saýsaqpen sanarlyq. Al ózime kelsem, májbúrli túrde fonogrammamen án aitatyn kezderim bolady. Mysaly, jandy daýysta án salýǵa mikrofon nemese kolonkalar múmkindik bermegen kezde», – dep pikir bildirdi ánshi Kental.
Onyń pikirin áriptesi Alen Samykenov te qoshtady.
«Nashar mýzykalyq qurylǵy turǵan jerde jandy daýysta án salý múmkin emes, osyny eskerý kerek. Iaǵni, ol ózińe kemshilik bolady», – dep túsindirdi ol.
