Máselen, Saryaǵash aýdanyndaǵy 45 kóshege ortasha jóndeý jumystaryn júrgizý josparda bar. Oryndalýy tiis indikatordyń qataryndaǵy Jibek joly aýyldyq okrýgi Órken kóshesine 1,1 shaqyrymdy quraityn asfalt tóseý jumystary bastaldy. Smetalyq qujattamalyq quny 21,084 myń teńgeni qurap, jol salý "Abai-Profilend" JShS merdiger kompaniiaǵa tapsyrylǵan.
Qazirgi tańda shaǵal tas tóseý jumystary júrgizilýde. Sondai-aq, partiia tarapynan jyljymaly zerthanalyq kólikter jáne arnaiy quraldar arqyly tóselgen joldardyń quramy men standartyn saralap, jol sapasyna baqylaýlar turaqty júrgiziledi.
Biyl Kentaý qalasynda da jol jóndeý jumystary qarqyndy. Qalanyń ishki joldaryn jóndeý boiynsha 2022 jyldyń naýryz-sáýir ailarynda memlekettik-jekeshelik áriptestik jobasy arqyly ortalyq kóshelerdi retke keltirý jumystary júrgizildi.
Tańbalaý, ótkelderdi jańartý, shuńqyrlardy jamaý jumystary 19 kóshede iske asyrylyp, jalpy 34,6 shaqyrymdy quraǵan.
«Aýyl – el besigi» jobasy aiasynda Qarnaq aýylyna qarasty 10 kósheni ortasha jóndeýge respýblikalyq biýdjetten 87,2 mln teńge qarjy qaralǵan. Búgingi tańda merdiger mekememen kelisim-shart túzilýde. Sýbventsiia esebinen qalanyń 7 kóshesine atap aitqanda Astana sh/a, Jambyl, Quralbaev, Tólebi, Syǵanaq, Proletarskaia, Seifýllin №105, jalpy 3,0 shaqyrymǵa ortasha jóndeý jumystary júrgizilmek. Partiianyń sailaýaldy baǵdarlamasyn Kentaý qalasynda oryndaý jónindegi jol kartasyna sáikes biyl 20,9 shaqyrym jol ortasha jóndeýden ótkizý josparlanǵan.
Partiianyń Túrkistan oblysy boiynsha sailaýaldy baǵdarlamasyna sáikes 2025 jylǵa deiin jaqsy jáne qanaǵattanarlyq jaǵdaidaǵy jergilikti mańyzy bar avtomobil joldarynyń úlesin 90 paiyzǵa arttyrý baǵytynda tiisti jumystar atqarylýda.
