«AMANAT» fraksıasynyń depýtattary óńirlerde 1200-den astam kezdesý ótkizgen

Dalanews 21 sáý. 2022 16:32 359

Parlamenttiń zań shyǵarý qyzmetin túsindirý boıynsha óńirlerdegi kóshpeli jumys aıasynda depýtattar – «AMANAT» partıasy Fraksıasynyń músheleri 766 eldi mekende bolyp, 1 200-den astam kezdesý ótkizdi, – dep habarlaıdy Dalanews.kz.

Bul týraly «AMANAT» partıasynyń jańa baspasóz ortalyǵynda ótken baspasóz maslıhatynda halyq qalaýlylary Albert Raý, Juldyz Súleımenova, Ekaterına Smyshláeva jáne Berik Ospanov aıtty.

Memleket basshysy, Partıa Tóraǵasy Qasym-Jomart Toqaev partıanyń kezekten tys HHİ Sezinde depýtattardyń azamattarmen tikeleı kezdesýiniń mańyzdylyǵyn erekshe atap ótti.

– Saılaýshylarmen tikeleı dıalog qurý, turaqty túrde azamattarmen kezdesý asa mańyzdy, osy oraıda shalǵaıdaǵy aýyldarǵa barý kerek. Depýtattyq saýaldar formalızmnen aýlaq bolyp, olardyń mazmuny naqty máseleni qamtyp, turǵyndar problemasyn kórsetýi kerek, – dep atap ótti Memleket basshysy.


Túsindirý jumystarynan basqa, depýtattar jergilikti atqarýshy organdardyń ókilderimen birlesip azamattardy jeke qabyldady. Barlyǵy 2,5 myńnan astam ótinish qaralyp, olardyń 321-i birden oń sheshimin tapty.

Jalpy, kezdesý qorytyndysy boıynsha 1 209 túıindi másele anyqtaldy. Azamattardyń shaǵymdary men ótinishteriniń kópshiligi áleýmettik salaǵa, atap aıtqanda densaýlyq saqtaý, bilim berý, áleýmettik qorǵaý jáne eńbekti qorǵaý máselelerine qatysty boldy.

Sondaı-aq, azamattar aýyl sharýashylyǵyn, shaǵyn jáne orta bıznesti qoldaý, ınjenerlik ınfraqurylymdy damytý máselelerin de kótergen.

– Mysaly, shalǵaı aýyldardyń turǵyndary «Medısınalyq poıyz» jobasyn qaıtarý týraly ótinishterin bildirdi. Aldyn ala nemese kúrdeli tekserýden ótý úshin aýyl turǵyndary aýdan ortalyǵyna barýy qajet. Alys qashyqtyqqa,  joldardyń sapasy men azamattardyń múmkindikterine baılanysty árkim aýdan ortalyǵyna bara almaıdy. Depýtattar bul baǵytta úkimetpen birlesip jumys atqardy. Endi 2022 jyldyń mamyr aıynda medısınalyq poıyz iske qosylady, – dedi Ekaterına Smyshláeva.

– Bizge oqýlyqtardyń avtorlary, mektep ujymdary men ata-analar mektepterdegi oqý ádebıetiniń sapasyna qatysty ótinish jasady. Tańdaý múmkindigi týraly aıtylǵanymen, biraq zańnamalyq tetik bolmady. Depýtattar tıisti zańǵa túzetýler engizdi, ol qazir Senattyń qaraýynda, – dep atap ótti Juldyz Súleımenova.


Sondaı-aq aýyl turǵyndary depýtattarǵa aýyz sý máselesine qatysty da suraqtar qoıdy. «Árbir aýylǵa baryp, taldaý júrgizdik. Fraksıa depýtattarynyń usynystaryna sáıkes, sýmen jabdyqtaý nysandarynyń tizbesine mınıstrlik 82 jańa jobany qosty» dedi Albert Raý.

Barlyq suraqtar arnaıy taldaý hatqa jınaqtalyp, Úkimetke jiberildi. 6 sáýirdegi jalpy otyrys barysynda vıse-premer Eraly Toǵjanov problemalardyń bir bóligin qaraý qorytyndylary boıynsha esep berdi. Jalpy otyrys barysynda qaralmaǵan barlyq máseleler boıynsha Úkimetpen jumys jalǵasýda.

Usynylǵan
Sońǵy jańalyqtar