Eńbekshiqazaq aýdany Esik qalasyndaǵy №123 sailaý ýchaskesine kelgen sailaýshylardyń qatarynda qazaqtyń kórneki aqyny Tumanbai Moldaǵalievtiń jary Kúltai Qasymova da boldy. Birtýar tulǵanyń aiaýly jary aldymen aqyn eskertkishine gúl shoqtaryn qoiyp, arýaǵyna taǵzym etti. Keiin sailaý ýchaskesine kirip, daýys berdi. Osy sátte T.Moldaǵalievtiń sózine jazylǵan án shyrqalyp, sazdy áýen men mándi óleńniń úilesimi halyqtyń erekshe yqylasyna bólendi, dep habarlaidy dalanews.kz.
– Búgin men úshin erekshe áserge toly kún boldy. Sailaý ýchaskesiniń Tumanbaidyń atymen atalatyn mádeniet úiinde ornalasýynyń ózi júrekke jyly tiedi. Onyń sózine jazylǵan ándi estigende, aqynnyń elge, jerge degen súiispenshiligin taǵy bir márte tereń sezingendei boldyq.
Sailaýda daýys berý – ár azamattyń el bolashaǵy úshin jasaityn mańyzdy mindeti. Tumanbai ómir boiy eldiń tynyshtyǵyn, halyqtyń birligin, týǵan jerdiń qadirin jyrlady. Osyndai beibit kúnniń qadirin bilýimiz kerek. Búgin óz tańdaýymdy jasap, eldiń erteńine beijai qaramaitynymdy bildirdim. Eldiń jarqyn bolashaǵyna úles qosý – bárimizge ortaq paryz. Sondyqtan ár azamattyń sailaýǵa qatysyp, óz ustanymyn bildirýi mańyzdy dep sanaimyn, – deidi aqynnyń jary.
Almaty oblysynyń týmasy, syrshyl aqyn Tumanbai Moldaǵaliev uzaq jyldar boiy ádebiet salasynda eńbek etip, qazaq poeziiasynyń damýyna airyqsha úles qosty. Qaitalanbas iirimderi oqyrman júreginde máńgi saqtaldy. Onyń óleńderinen kompozitorlar shabyt alyp, án jazdy. El taǵdyry sheshiletin aitýly kúnde de aqynnyń esimi airyqsha atalyp, halyq onyń ónegeli ómirin yqylaspen eske aldy.
