Qarjylyq monitoring agenttigi mindetti áleýmettik meditsinalyq saqtandyrý salasyndaǵy qarajat jymqyrý derekteriniń jolyn kesý boiynsha jumys júrgizip jatqan tusta alaiaqtyq jaǵdailary jiilep ketkenin málimdedi, dep habarlaidy dalanews.kz.
Qaskóiler ózderin Agenttik qyzmetkerleri retinde tanystyryp, «anyqtalǵan zańbuzýshylyqtardy» alǵa tartyp, meditsina mekemeleriniń basshylaryn qylmystyq jaýapkershilikke tartamyz dep qorqytady. Sonymen qatar syiaqy berse, jaýapkershilikke tartpaýǵa ýáde etip, aqsha talap etedi.
Osyndai alaiaqtyq shemanyń joly Túrkistan oblysynda kesildi. Eki adam ózderin Agenttik qyzmetkerleri retinde tanystyryp, aldaý jolymen meditsinalyq uiymdardyń biriniń basshysynan 15 mln teńge kóleminde aqsha alýǵa tyrysqan.
5 mln teńgeni alǵannan keiin alaiaqtar qalǵan 10 mln teńgeni berýdi talap etken. Osy jylǵy 8 tamyzda olardy Túrkistan oblysy boiynsha Ekonomikalyq tergep-tekserý departamentiniń qyzmetkerleri Agenttiktiń Ózindik qaýipsizdik departamentimen birlesip, qylmys ústinde ustady.
Sot sybailastarǵa qatysty qamaýda ustaý túrindegi bultartpaý sharasyna sanktsiia berdi. Tergeý jalǵasyp jatyr.
QMA eskertedi: jaýapkershilikke tartamyz dep qorqytyp nemese jazadan qutylýǵa kómektesemiz dep ýáde berip, aqsha talap etý — zańsyz áreket. Mundai derekter týraly QMA Call-ortalyǵyna 1458 nómiri arqyly dereý habarlaý qajet.
