Astanada ákimshilik ǵimaratta shalbaryn sheshken er adam jaýapqa tartyldy, dep habarlaidy dalanews.kz.
️Elordadaǵy ákimshilik ǵimarattardyń biriniń front ofisinde 68 jastaǵy er adam metall izdegish ramkadan ótý kezinde kópshilik aldynda shalbaryn sheshken.
Politsiia qyzmetkerleri er adamdy anyqtady. Ol Óskemen qalasynyń 68 jastaǵy turǵyny ekeni belgili boldy.
"Ol ainalasyndaǵylarǵa qurmetsizdik tanytyp, qoǵamdyq orynda jalpyǵa ortaq minez-qulyq normalaryn buzǵan. Er adam usaq buzaqylyq deregi boiynsha ákimshilik jaýapkershilikke tartyldy. Is materialdary sotqa joldandy", - dedi politsiia.
