“Otyz jylda ne tyndyrdyńyz? Nazarbaev murasy dep aýyz toltyryp aitýǵa turarlyq qandai, nendei jetistigińiz bar?” degen saýal qoidy Stoýn.
Nazarbaev óziniń biligi tusynda Qazaqstanda qoi ústinde boztorǵai jumyrtqalaǵan beibit zaman ornaǵanyn, saýatty saiasattyń negizinde kedeishiliktiń qamytyn sypyryp, Orta Aziia elderiniń ishinde oza shapqanyn tilge tiek etti.
“Bizdiń býyn? Bizdiń býyn Qazaqstannyń táýelsizdigin jariia etti. Bizdiń býynnyń tusynda Qazaqstan egemen el atandy. Ataǵy alty qyrdan asyp, alty qurlyqty sharlady. Ainalasy 20 jylda (1911-2011) ekonomika men áleýmettiń ál-qýaty 10 ese ósti!
Joqshylyqty jeńdik. Kedeishilikten aryldyq. 1991 jyly jurttyń 47 paiyzy isherge asy, kierge kiimi joq, shyqpa janym shyqpa dep otyrǵan shaq edi. Búgin bul kórsetishti 4 paiyzǵa deiin tómendettik.
Búgin bizdiń el naryqtyq ekonomikanyń negizderin meńgergen, ortasha ómir súretin memleket. Bizdiń el eshkimmen araz emes, osy kúnge deiin eshkimmen janjaldasyp kórgen joqpyz. Táýelsizdiktiń otyz jylyn tynyshtyq pen turaqtylyqta, yrys pen yntymaqta ótkizdik. Minekei, dál osyndai Qazaqstandy sońyma qaldyryp baramyn”, – dedi Nazarbaev.
Rejisser Stoýn eks-prezidentiń jaýabyna dán riza bolyp, Nazarbaevtyń kóshpeli hám jaýynger ulttyq urpaǵy ekenin aitty.
“Sizder eshkimgi tiispei tynysh jatqan elsizder. Siz álem adamysyz”, – dedi Stoýn.
