Қытайда бұрынғы қорғаныс министрлері Вэй Фэнхэ мен Ли Шанфу аса ірі жемқорлық ісі бойынша кінәлі деп танылып, өлім жазасына кесілді. Бұл туралы Синьхуа агенттігі хабарлады.
Әскери соттың шешіміне сәйкес, экс-шенеуніктер пара алу және пара беру фактілері бойынша айыпталған. Тергеу барысында олардың қызметтік өкілеттіктерін жеке мүдде үшін пайдаланғаны анықталған.
Вэй Фэнхэ мен Ли Шанфу бұған дейін Қытай Халық Республикасының Орталық әскери кеңесінің мүшелері болып, мемлекеттік кеңесші мәртебесіне ие болған. Сондай-ақ екеуі де елдің қорғаныс министрі қызметін атқарған.
Сот шешімі бойынша, бұрынғы министрлерге екі жылдық кейінге қалдыру мерзімімен өлім жазасы тағайындалды. Сонымен қатар олар өмір бойына саяси құқықтарынан айырылып, барлық мүлкі тәркіленеді.
Қытай заңнамасына сәйкес, мұндай үкім бірден орындала бермейді. Егер сотталғандар екі жыл ішінде жаңа қылмыс жасамаса, жаза шартты түрде өмір бойы бас бостандығынан айырумен алмастырылуы мүмкін. Кей жағдайларда кейін бұл мерзім 25 жылға дейін қысқартылуы ықтимал.
