Нариман Табынбаев: «Дельта» – штаммы бүйректі жиі зақымдайды»

Dalanews 12 шіл. 2021 13:34 193

Алматы қаласы Қоғамдық денсаулық басқармасының басшысы Нариман Табынбаев Өңірлік коммуникациялар қызметінде өткен баспасөз конференциясында мегаполистегі коронавирус инфекциясына қатысты жаңа деректерді айтты. Алматыда КВИ індетін жұқтырған науқас ағынының ықтимал ұлғаюына дайындалып жатқанын айтты, – деп хабарлайды Dalanews.kz.

Нариман Табынбаевтың айтуынша, 11 шілде күні жұқтырудың  638 жағдайы тіркелген. Бүгінде жұқпалы аурулар стационарында 1 724 адам, оның ішінде 143 бала бар. Үлестік қатынаста 34% төсек-орыны бар.

Бұл ретте ауруханалардағы науқастар саны өткен 10 күнде 2,5 есе өсті. Реанимация және қарқынды терапия бөлімшесінде 121 науқас жатыр, ӨЖЖ аппаратына 17 адам қосылған.  Реанимациядағы науқастардың саны 10 күн ішінде 50-ден 121-ге дейін өсті.

Үйде алғашқы медициналық-санитарлық көмек және телемедицина орталығы дәрігерлерінің бақылауында 3 255 науқас бар.  Дәрігерлердің айтуынша, 40 жасқа дейінгі адамдар арасында жұқтырғандар саны күрт өсті.

«Дельта» – штаммы өте қауіпті. Науқастарды емдеу әр түрлі емес, бірақ дәрі-дәрмектерді тағайындаудың бір ерекшелігі бар. Инфекция кезінде қандай органдар әсер ететіндігі де ескеріледі. Бүйректер жиі зақымданады, – деді Н. Табынбаев.

Қоғамдық Денсаулық  басқармасының басшысы денсаулыққа зиян келтіруі мүмкін кідірісті болдырмау маңызды деді. Н. Табынбаев қала тұрғындарын коронавирусқа қарсы вакцина алуға шақырады, себебі бұл дерт күрделі асқынуларға алып келеді. Індет пен коронавирустық штаммдардың таралуын тоқтатудың жалғыз мүмкіндігі вакцина алу.

Еске салсақ, 12 шілдедегі жағдай бойынша Алматыда I компонентпен 585 116 адам вакцина алды. Өткен тәулікте 9 418 адам екпе алды.

Алматы қаласында 212 вакцина пункті жұмыс істейді. 1 260 адам жұмылдырылған 308 екпе бригадасы қызмет атқарады. Қалада вакцина пункті жеткілікті.

Ұсынылған
Соңғы жаңалықтар
x