2026 جىلدىڭ 1 قاڭتارىنان باستاپ ۇلكەن الماتى اينالما اۆتوموبيل جولىمەن (باكاد) ءجۇرۋ ءتاريفى ەكى ەسە وسەدى. كولىك مينيسترلىگى وسىعان قاتىستى بۇيرىققا وزگەرىستەر ەنگىزۋگە دايىندالىپ جاتىر، دەپ حابارلايدى Dalanews.kz.
جەڭىل كولىكتەر ءۇشىن تولەم 0،07-دەن 0،14 اەك-كە دەيىن وسەدى – بۇل جولدا ءبىر ساعات ءجۇرۋ ءۇشىن شامامەن 605 تەڭگە بولادى.
ايتا كەتەيىك، 2026 جىلى ايلىق ەسەپتىك كورسەتكىش (اەك) 4 325 تەڭگەگە تەڭ بولادى.
كولىكتىڭ باسقا ساناتتارى ءۇشىن دە تاريف پروپورسيونالدى تۇردە قىمباتتايدى: مىسالى، 16 ورىنعا دەيىنگى اۆتوبۋستار ءۇشىن جول اقىسى 0،16 اەك – 692 تەڭگە بولادى.
ال ماسساسى 15 توننادان اساتىن جۇك كولىكتەرى ءۇشىن تاريف 0،44 اەك بولادى – شامامەن 1 903 تەڭگە.
جاڭا تاريفتەرمەن قاتار 50 پايىزدىق جەڭىلدىك تە قولدانىستا بولادى. ءبىراق ول تەك كەيبىر جاعدايلاردا بەرىلەدى:
-
الدىن الا تولەم جاساعاندا – شوتتى تولىقتىرۋ نەمەسە اقىلى ۋچاسكەگە كىرمەي تۇرىپ، كولىك ءنومىرى بويىنشا تولەم جۇرگىزىلگەندە؛
-
كەيىن تولەۋ كەزىندە – جولدان وتكەننەن كەيىن 7 كۇنتىزبەلىك كۇن ىشىندە تولەم جاسالسا.
ال تولەم ءبىر اپتا ىشىندە جۇرگىزىلمەسە، قارىز قالىپتاسادى جانە جول اقىسى جەڭىلدىكسىز، تولىق مولشەردە الىنادى.
سونىمەن قاتار تالعار، قاراساي جانە ىلە اۋداندارىنىڭ تۇرعىندارى ءۇشىن ايلىق جانە جىلدىق ابونەمەنتتەردىڭ باعاسى وزگەرىسسىز قالادى.
