بەلگىلى ساياساتكەر اكەجان قاجىگەلدين Jusan bank پەن نازاربايەۆ قورىنىڭ بايلانىسى تۋرالى جانە بانككە مەملەكەتتەن قۇيىلعان ميللياردتار تۋرالى ايتتى، - دەپ حابارلايدى Dalanews.kz.
«تيمۋر قۇلىبايەۆ 150-200 سيستەرنا قايتاردى» دەپ جارىسا ايتادى دا، ءبارى «وو، اقىرى اكتيۆتەر قايتارىلا باستادى عوي» دەپ ويلايدى. ال شىن مانىندە ەشتەڭە قايتارىلىپ جاتقان جوق. ول (قۇلىبايەۆ) ساۋداسىن باياعىداي جۇرگىزىپ ءجۇر. گاز قارا تەڭىزگە بۇرىنعىداي تاسىمالدانىپ جاتىر. ەلدە گازعا قاتىستىنىڭ بارىنە ءبىر اۋلەتپەن بايلانىستى ەكەنىن بىلەمىز. اراسىندا ورىندارى اۋىسىپ قانا تۇرادى. شارىپبايەۆ كەلسە سول اينالىسادى، بورانبايەۆ بولسا سول اينالىسادى – ءبارى ءبىر اۋلەتتىڭ قولىندا. بىردە-بىر اۋديت جۇرگىزبەي نە بولعانىن تۇسىندىرە المايمىز»، - دەيدى اكەجان قاجىگەلدين Elmedia-عا بەرگەن سۇحباتىندا.
قاجىگەلدين Jusan bank پەن نازاربايەۆ قورىنىڭ بايلانىسى تۋرالى ايتتى.
«Jusan bank يەسى نيەۆادادا. ونىڭ قالتاسىنا اسپاننان دولبارلاپ ايتقاندا 1،2 ميلليارد اكتيۆ ءتۇستى. بۇل وتە كوپ اقشا. بىرەۋ ولارعا بۇل اقشانى بەردى. كىم ەكەنىن دە بىلەمىز. ءبىراق مۇنى قازاقستان بيلىگى ءوزى مالىمدەپ ايتقانىن قالايمىز. تەرگەۋ جۇرگىزىپ، اقشا قايدان تۇسكەنىن ايتۋى كەرەك. 1،2 ميلليارد ءبىر جەردەن كەلسە، دەمەك ول اقشا ءبىر جەردەن شىقتى عوي؟ ءبىز بۇل نازاربايەۆ قورىنان تۇسكەن اقشا دەپ ويلايمىز. ال قورداعا اقشا نازاربايەۆتىڭ قارجىسى ەمەس، ول مەملەكەتتىڭ اقشاسى. سەبەبى ونىڭ بارلىق كىتابىن ساتقاننىڭ وزىندە ارى كەتسە ءۇش ميلليون جينالادى. ءبىراق 1،2 ميلليارد ەمەس»، - دەيدى قاجىگەلدين.
ال ءماجىلىس دەپۋتاتى ەرمۇرات ءباپيدىڭ سوزىنشە، نازاربايەۆ قورىمەن، Jusan bank-پەن قازاقستان ۇكىمەتى جۇمىس ىستەپ جاتىر.
«ماعان جەتكەن اقپاراتتار بويىنشا جانە مەملەكەتتىك ورگانداردىڭ ءتۇسىندىرۋى بويىنشا، نازاربايەۆ قورىمەن، Jusan bank-پەن قازاقستان ۇكىمەتى جۇمىس ىستەپ جاتىر. ول جونىندە قوعامعا اقپارات بەرىلمەيدى. ول قالاي ىستەپ جاتىر؟ قانداي ماقساتتا، قانداي نەگىزدە جۇمىس ىستەپ جاتقانىن ءبىز بىلمەيمىز. ءبىراق مەندەگى اقپارات بويىنشا قازاقستان ۇكىمەتى Jusan bank-قا ءوز ەركىمەن كەلىسىمدەر مەن بەلگىلى مولشەردە اكتيۆتەردى قايتارۋ ماسەلەسى جونىندە اڭگىمە بولىپ جاتىر. ءبىراق ونىڭ ناقتى تەتىكتەرىن بىلمەيمىن»، - دەيدى ەرمۇرات باپي Elmedia-عا بەرگەن سۇحباتىندا.
دەپۋتات ءماجىلىستىڭ كۇزگى سەسسياسى باستالعان كەزدە بىرنەشە دەپۋتات باس پروكۋراتۋراعا ساۋال جولداپ، اكتيۆتەردى قايتارۋ زاڭىنىڭ ورىندالۋ بارىسى جونىندە قانداي جۇمىستار اتقارىلعانى تۋرالى ەسەپ سۇرايتىنىن ايتتى.
«ەگەر ونى قوعامعا ەستۋگە بولماسا تىم قۇرىعاندا دەپۋتاتتاردىڭ الدىندا جابىق تۇردە ەسەپ بەرسە دەگەن ۇسىنىسپەن شىعامىز. سەبەبى ءبىز زاڭدى قابىلدايمىز، وندىرىسكە بەرەمىز، ءبىراق زاڭنىڭ ورىندالۋ بارىسىن باقىلاي المايمىز. بۇل نونسەنس قوي! ال ءبىز قابىلداپ بەرگەن زاڭدى ءتيىستى مەملەكەتتىك ورگاندار ءوزىنىڭ ىڭعايىنا قاراي بۇرىپ الادى. بۇل دا ءبىزدىڭ قوعامداعى زاڭناما ماسەلەسىندەگى پروبلەما»، - دەيدى دەپۋتات.
سونىمەن قاتار، دەپۋتات تيمۋر قۇلىبايەۆتىڭ گەرمانياداعى اكتيۆتەرى تۋرالى ايتتى.
«قاراپ وتىرساق، قۇلىبايەۆ اكتيۆتەردى جىلجىمايتىن مۇلىك كولەمىندە قايتارىپ جاتىر. ال قۇلىبايەۆتىڭ مۇناي اكتيۆتەرى جونىندە اڭگىمە جوق. ول جاققا ءالى بارعان دا جوقپىز. المەكس ارقىلى قانشالىق مۇناي سالاسىندا اكتيۆى بار، ونى قايتارۋ كەرەك، ءبىراق ول جايلى اڭگىمە جوق. ءبىز مۇنى كوتەردىك، ءبىراق بيلىك تاراپىنان ناقتى جاۋاپ جوق. قارابايىر جاۋاپپەن ءبىزدى الدايدى»، - دەيدى ەرمۇرات باپي.
ايتا كەتەيىك، بۇعان دەيىن اكەجان قاجىگەلدين نازاربايەۆتىڭ كۇيەۋبالاسى تيمۋر قۇلىبايەۆتىڭ قازاقستانداعى مەملەكەتتىك ورگاندارىنداعى ىقپالى، سامات ءابىش ءىسى مەن ەلدەگى جۇيە تۋرالى ايتقان بولاتىن. قاجىگەلديننىڭ سوزىنشە، تيمۋر قۇلىبايەۆتىڭ مەملەكەتتىك ورگانداردىڭ شەشىمدەرىنە اسەرى پروكۋراتۋرانىڭ، زاڭداردىڭ، ءماجىلىستىڭ، ۇكىمەت پەن پرەزيدەنت اكىمشىلىگىنىڭ ىقپالىنان كۇشتىرەك. ول قۇلىبايەۆتان قۇتىلۋ ءۇشىن بارلىق زاڭداردى قايتا قاراۋىمىز كەرەگىن ايتقان ەدى.
