اتىراۋ وبلىسىندا جۇمىسشىنى سوققىعا جىققان ەر ادامعا قاتىستى ۆيدەو الەۋمەتتىك جەلىدە تاراپ، قوعام نازارىن اۋدارتتى، دەپ حابارلايدى Dalanews.kz.
جىلىوي اۋدانىنىڭ تۇرعىنى جاريالاعان بەينەجازبادا AMANAT پارتياسىنىڭ جەرگىلىكتى دەپۋتاتى ءارى قوعامدىق كەڭەس ءتوراعاسى بەكەت قۇلبايەۆقا ۇقسايتىن ادامنىڭ جۇمىسشىنى ۇرعان ءساتى كورسەتىلگەن.
پوليسيا دەپارتامەنتى وقيعاعا بايلانىستى تەكسەرىس جۇرگىزىپ، جانجالعا قاتىسقان ازاماتتاردىڭ جەكە باسىن انىقتاعانىن مالىمدەدى.
قۇقىق قورعاۋ ورگاندارى جۇمىسشىعا قول كوتەرگەن ەر ادامعا قاتىستى «ۇساق بۇزاقىلىق» بابى بويىنشا اكىمشىلىك ءىس قوزعالعانىن حابارلادى. ال جابىرلەنۋشى ارىز جازۋدان باس تارتقان جانە دارىگەرلەردىڭ كومەگىنە جۇگىنبەگەن.
