مەن ٸلە ايماعى كٷنەس اۋدانىندا بولدىم. «ەلدەن كەلدٸڭ عوي» دەپ سٶز باستاپ, جەر داۋىنىڭ قالاي بولىپ جاتقان بٸلمەك بولعان اعايىننىڭ كٶڭٸلٸندە ەلٸ مەن جەرٸنە دەگەن الاڭداۋشىلىعى باسىم. ولار جەر شەتەلگە جالعا بەرٸلەتٸن بولسا, قازاقستاندىقتار ٶزدەرٸنٸڭ كٷيٸن كەشەتٸنٸن ايتىپ الاڭداپ وتىر.
ونداعى اعايىن جەر ەگەر قىتايعا جەنە ٶزگە ەلگە جالعا بەرٸلسە جەرٸمٸزدەن ايىرىلىپ قالارىمىزدى, بٸر قىتاي جەر جالعا السا, 100 قىتايدىڭ ٸلەسٸپ باراتىنىن, جەردٸ حيمييالىق دەرٸلەرمەن بٷلدٸرٸپ, بٷكٸل قازاققا ۋ ٸشكٸزەتٸنٸن بٸلٸپ وتىر.
كومييسيا مٷشەلەرٸنە سەلەمٸن جولداعان قانداستارىمىزدىڭ نەگٸزگٸ ويلارى تقمەندەگٸدەي: «جەر كوميسسيياسىنىڭ قۇرىلعانى دۇرىس بولعان ەكەن. وسى كوميسسييا ارقىلى شەتەلدە تۇرىپ جاتقان بٸزدٸڭ دە تٸلەكتەرٸمٸز بيلٸككە جەتسە دەيمٸن. قازاق جەرٸن شەتەلدٸكتەرگە ساتقانشا, ەڭبەكشٸل حالىققا تەڭدەي, ەدٸلەتتٸ تٷردە بٶلٸپ بەرسە, ەگٸنشٸلەردٸڭ ەككەن استىعىن ۋاقتىلى ساتىپ الىپ, ٶنٸمدٸ شەتەلگە ساتسا, سول ەلدەقايدا پايدالى. قازاق جەرٸ يگەرۋسٸز قالمايدى. قازاقتار جەر پايدالانۋدى بٸلمەيدٸ ەمەس, بٸلەدٸ. قىتايداعى قازاقتاردىڭ كٶشٸن تەجەمەي, بارعاندارعا ازاماتتىقتى ۋاقتىلى بەرٸپ, ەگٸستٸك جەر مەن جايىلىمىن بەرسە, 2 ميلليونعا جۋىق قازاق-اق ەدەۋٸر جەردٸ يگەرەر ەدٸ. ٶيتكەنٸ, قىتايداعى قازاقتاردىڭ باسىم بٶلٸگٸ ەگٸنشٸلٸك پەن مال باعۋدى كەسٸپ ەتٸپ وتىر. قىتايداعى قانداستارىڭىز, مىنا بٸزدەر زاماناۋي تەحنولوگييامەن مال ٶسٸرۋدٸ (بورداقىلاۋ) جەنە ەگٸن ەگۋدٸ جەتٸك مەڭگەردٸك. قىتايعا ساتقانشا, قىتايدان بارعان قازاقتاردىڭ مٷمكٸندٸگٸن پايدالانساڭىزدار, ۇتىلمايسىزدار. سوندىقتان, بۇل كوميسسييا جەردٸ ساتۋدان ساقتاۋدى عانا ماقسات ەتپەي, ەر قازاقتى جەردٸڭ يەسٸ ەتۋدٸ كٶزدەۋ كەرەك. شەتەلدەن بولاشاقاتا اتامەكەنگە باراتىن حالىقتىڭ جەرسٸز قالماۋىن ۇمىتپاي, وسى باستان ويلاستىرعاندارى دۇرىس ەدٸ. كوميسسييا مٷشەلەرٸنٸڭ ٸشٸندە الىستاعى اعايىننىڭ مۇڭ-مۇقتاجىن تٷسٸنەتٸن الاششىل ازاماتتار بٸزدٸڭ ۇسىنىسىمىزدى ويلاستىرار دەگەن ٷمٸتتەمٸز» دەگەن ۇسىنىستارىن كوميسسييا مٷشەلەرٸنە جەتكٸزۋٸمدٸ امانات ەتتٸ.
تۇردىبەك قۇرمەتحان
