مەكتەپ-ينتەرناتقا كىرە بەرگەن تۇستان كۇلىمسىرەگەن بالاقايلاردى كوردىك. مەكتەپتىڭ اكىمشىلىگى دە، ءبىلىم الۋشى وقۋشىلار دا ءبىزدى جىلى لەبىزبەن قارسى الدى. قوناقتار كەلگەنىن ەستىگەن وقۋشىلار اسەم بەزەندىرىلگەن كونسەرت زالىندا جينالدى. ءبىز ءوز كەزەگىمىزدە ارنايى قۇرىلعان كونسەرتتىك باعدارلامامىزبەن ءبولىسىپ، بالالاردىڭ كوڭىلىن ءبىر كوتەردىك. اسپان استى ەلىنىڭ ەرەكشەلىكتەرى مەن كوركەم جەرلەرى تۋرالى پرەزەنتاسيا ۇسىنىلدى. سونداعى بالاقايلاردىڭ قىزىعۋشىلىعىن كورسەڭىزدەر...ۇستى-ۇستىنە سۇراقتار قويىپ، كونسەرتىمىز ەركىن اڭگىمەمەن جالعاستى. ستۋدەنتتەر جۇڭگو تىلىندە اندەر شىرقاپ، بالالاردىڭ كوزدەرىندەگى وتتى جاندىرا ءتۇستى. بالالارعا تانىس كوڭىلدى ءان ايتىلعاندا، بالالار شاپالاق ۇرىپ قاتتى قۋاندى. ول ءان ارمان تۋرالى بولاتىن. ءدال وسى تۇستا، بالالاردىڭ ارمانداۋعا دەگەن قۇلشىنىسىن بايقاعانداي بولدىق. كونسەرتىمىز وسىلايشا قىزىقتى، ءارى كوڭىلدى بولىپ ءوتتى. كەيىن، مەكتەپ ديرەكتورى مەن وقىتۋشىلارى ءبىزدى بالاردىڭ بوس ۋاقىتتا اينالىساتىن كاسىپتەرىمەن تانىستىردى. مەكتەپ وقۋشىلارى تۇسكە دەيىن ساباق وقىپ، تۇستەن كەيىن شىعارماشىلىقپەن اينالىسادى ەكەن. وقىتۋشىلار ايتۋى بويىنشا، شىعارماشىلىق بالالاردىڭ بويىنداعى كەمىستىكتى جويىپ، دەنە-بىتىمدەرىن تۇزەتۋگە سەپتىگىن تيگىزەدى. مەكتەپتە قىش قۇمىرا جاساۋ شەبەرحاناسى، مونشاق توقۋ ۇيىرمەسى، تەرى وڭدەۋ شەبەرحاناسى جۇمىس ىستەيدى. مۇندا بالالاردىڭ ءوز قولدارىمەن جاساعان بۇيىمدارىن كورىپ ءتانتى بولدىق. راسىمەن دە، بۇيىمداردىڭ ساپاسى وتە جوعارى، ءتىپتى ءبىر شەبەردىڭ جاساعانى ىسپەتتەس. بۇل ءوز كەزەگىڭدە بالالاردىڭ اسا زور ۇقىپتىلىعى مەن ىسكە جاۋاپكەرشىلىكپەن قارايتىندىعىنىڭ ايعاعى. وسىلايشا، بويلارىڭداعى كەمىستىكتەردى جەڭە ءبىلىپ، تاعدىردىڭ سالاعان تالكەگىنە توزە بىلگەن بالارمەن تانىسىپ قايتتىق. بۇل بالاقايلاردان كۇتەتىن ءۇمىتىمىز كوپ، قازاقستاننىڭ بولاشىعىنا ۇلكەن ۇلەسىن تيگىزەتىن ازامات بولىپ وسەتىنىنە سەنىمىمىز زور. ال، ءبىز ءوز كەزەگىمىزدە ولارعا قولدان كەلگەنشە كومەك كورسەتەمىز. بۇل ءبىزدىڭ العاشقى كەزدەسۋىمىز بولاتىن، الداعى ۋاقىتتا مۇنداي كەزدەسۋلەردىڭ سانى ارتاتىنى ايدان انىق.
كۇن كوزى بۇكىل الەمدى ءوزىنىڭ جىلى شۋاعىمەن ايالاپ عاسىرداڭ – عاسىرعا جەتكىزۋدە، ادام بالاسى ءبىر - ءبىرىن ايالاپ قادىرلەپ، قينالعان ساتتەرىندە قايىرىمدىلىعىن جاساپ وزدەرىنىڭ يمان ءجۇزدى ادام ەكەندىگىن بىلدىرە بىلسە جەر بەتىندە باقىتتى جاندار كوپ ءومىر سۇرەرى انىق. جۇرەگىمىزدى ىزگىلەندىرىپ، اينالامىزدى نۇرلاندىرايىق، اعايىن!
اينۇر سارتوۆا، شىعىستانۋ فاكۋلتەتىنىڭ 4 كۋرس ستۋدەنتى
ءنۇرتالىپ شارىپقازى، شىعىستانۋ فاكۋلتەتىنىڭ وقىتۋشىسى
