Елбасы Нұрсұлтан Назарбаевтың тапсырмасымен бірнеше жылдан бері еліміздегі маңдайалды оқу орындарының басшылары қоғам алдында есеп беріп, көпшіліктің сұрағына жауап қайтарып келе жатқаны белгілі. Жақында еліміздегі Жоғары оқу орындарының қара шаңырағы, еңселі білім ордаларының бірі Абай атындағы Қазақ ұлттық педагогикалық университетінің ректоры, профессор  Такир Балықбаев «Ғылым ордасының» үлкен мәжіліс залында жұртшылық алдына шығып, университеттің 2016-2017 оқу жылдары аралығында атқарған қызметінің қорытындысы және алдағы даму перспективасы туралы есепберді. Осы ретте есепті кездесуге университет оқытушылары мен студеннттері, ата-аналар мен көпшілік қауым, сондай-ақ  ақпарат құралдарының өкілдері қатысты.