Back

Алматы облысында қазақ тілі үшін жаны күйіп, ана тіліміздің мәртебесін арттыру үшін жарғақ құлағы жастыққа тимей еңбек етіп жүрген өзге ұлт өкілдері жетерлік. Осы ретте Алматы облысы бойынша Қазақстан халқы Ассамблеясының белсенді мүшесі, Қарасай ауданы Қошмамбет ауылы орта мектебінің бастауыш сынып мұғалімі Эльнара Таштанованы айрықша атап айтуға болады. Ол тіпті қоғам белсенділерінің қазақ тілін қолдауға қатысты Ашық хатына қол қойып, қазақ тіліне қатысты позициясын ашық білдірген Ассамблея мүшелерінің бірі. Таяуда ауыл жастарына білім беріп жүрген майталман мұғаліммен аз-кем тілдесіп, қазақ тілінің мәртебесін қалай қайтаруға қатысты ой-пікірін тыңдаудың сәті түсті. Осы ретте Dalanews.kz ақпарат агенттігінің Эльнара Таштановамен болған шағын сұхбатына назар аударыңыздар.