Back

Мақтарал ауданында көктемгі егіс жұмыстары қарқынды түрде жүргізілуде. Соңғы күндері ауа-райының құбылып, жауын-шашынның жиілеп кетуінің салдарынан мырзашөлдік диқандар биыл мақта дәнін себу жұмыстарын  былтырғыдан 10-15 күнге кеш бастауға мәжбүр болды.  Соған қарамастан бүгінгі таңда мақтаралдық шаруалар 22 мың 844 гектарға мақта дәнін егіп үлгерді.  Сондай-ақ, ауданда 56 мың гектар жер чизлденсе, 93 мың гектардан астам алқап  тырмаланып, тұқымдық шиттің себілуіне дайындалуда.

Оңтүстік Қазақстан облысына көктем өзге аймақтарға қарағанда ерте келетіндіктен мұнда көктемгі дала жұмыстары қарқынды түрде жүргізіледі. Биыл ауа-райы диқан қауымға қолайлы болып, бүгінгі күнге көктемгі егінді 130 мың гектардан астам жерге егіп үлгерді.