Back

Таяуда ҚР Ақпарат және коммуникациялар министрі Дәурен Абаевтың халық алдындағы есептік кездесуі өтті. Жиынға Астана қаласының тұрғындары, сарапшылар қауымдастығының және үкіметтік емес ұйым өкілдері қатысты. Кездесу барысында Дәурен Абаев ведомствоның бір жыл көлемінде атқарған жұмыстары мен алдағы жоспарлары туралы баяндады. Сонымен қатар министр видеоконференция арқылы еліміздің өзге де аймақтарының және министрліктің ресми сайтына келіп түскен сұрақтарға жауап берді.

Жетісу өңірінде облыс әкімі Амандық Баталовтың тапсырмасымен «Алматы облысында Президенттің 5 әлеуметтік бастамасын жүзеге асыру жөніндегі Жол картасы» әзірленіп, Карта бойынша жұмыстар атқарылуда. Бұл құжатта Мемлекет басшысының  тапсырмаларын тиімді орындаудың нақты жоспарлары белгіленген, – деп хабарлайды Алматы облысы әкімінің баспасөз қызметі.