Back

Түрік компаниясы Түркістанмен ынтымақтасты кеңейтпек

Түркістан облысы әкімінің орынбасары Рашид Аюпов Түркия делегациясының Түркістан облысына ғылыми сапары барысында “Dogus Group” түрік компаниясымен кездесті, – деп хабарлайды Dalanews.kz Түркістан облысының Өңірлік коммуникациялар қызметіне сілтеме жасап.

Кездесуде агроөнеркәсіптік кешен, қалдықтарды өңдеу, жоғары технологиялар, сондай-ақ өңірдегі туризмді дамыту саласындағы екіжақты ынтымақтастық мәселелері талқыланды.

Сонымен қатар тараптар Нигдэ Өмер Халисдемир университетінің ауыл шаруашылығы факультеті мен қазақстандық университеттер арасындағы академиялық деңгейдегі әлеуетті ынтымақтастықтың өзара тиімділігі туралы келіссөз жүргізді.

– Түркістан облысында индустриялық және арнайы экономикалық аймақтар жұмыс істейді. Одан бөлек, ҚР Тұңғыш Президенті Н.Ә. Назарбаевтың тапсырмасы бойынша түркітілдес елдер арасында жаңа инвестициялық жобаларды ашу үшін TurkSEZ (түркі еркін-экономикалық аймағы) құру жоспарлануда. Туристік пакеттердің ашылуы екі тарап арасындағы туризмді дамытуға жаңа серпін береді, – деді Рашид Аюпов.

Кездесу соңында облыс әкімінің орынбасары қонақтарды Түркістан облысының инвестициялық мүмкіндіктерімен таныстырып, Түркия кәсіпкерлерін бірлескен жұмысқа шақырды.

Тағы оқыңыз:

«Тұран» тапсырманы орындады