Cоңғы жаңалықтар
Back

“Дикий Арманның” штаб-пәтері. “Қазақстан” қонақ үйі кімге тиесілі?

Атышулы “Дикий Арманның” ұйымдасқан қылмыстық тобына ҰҚК-ның адамдары қамқорлық жасаған, ал Қаңтар оқиғасына әзірлік 2021 жылғы жазда басталған.

Dalanews.kz сөй деген cаясаткер Жақсыбек Құлекеевтың “Ақорда үшін күрес” атты еңбегін сүзіп шықты. Кітаптың Арман Жұмагелдиевке (“Дикий Арман” деген лақап атпен де мәлім – ред.) қатысты тарауы былай өрбиді…

Бас прокуратураның Қылмыстық қудалау қызметінің басшысы Серік Шалабаев қаңтар оқиғасы кезінде топ тәртіпсіздіктерге белсене қатысқанын, Арман Жұмагелдиев немесе “Дикий Арманның” рөлі ерекше болғанын айтты.

Алматыда Арман Жұмагелдиевтың қылмыстық тобынан зардап шеккен жәбірленушілер мен куәгерлер табылды.

Сонымен бірге, аталған қылмыстық топ Алматы көшелерінде жүрген азаматтарды ұстап алып,күш көрсетіп, оларды “Қазақстан” қонақ үйінің ғимаратында орналасқан “BallRoom” мейрамханасының залында және “Esentai Tower” бизнес орталығының автотұрағында ұстағандығы белгілі болды.

Ұсталған азаматтардың бірі қайтыс болған.

Қаңтар оқиғасы кезінде А.Жұмагелдиевтың қылмыстық өкілдерінің “штаб-пәтері” “Қазақстан” қонақ үйінде болғаны бұрын белгілі болғанымен, оның “Esentai Tower” бизнес орталығын қылмысты басқару орны ретінде пайдаланғаны кейін ғана анықталды.

Алматыдағы “Қазақстан” қонақ үйі пантюркизмді ұстанатын этникалық түріктер-ағайынды Зиятдин мен Усеин Касановтар отбасына тиесілі. Олар Түркия президенті Режеп Тайып Ердоғанның айналасындағылармен және түрік қылмыскерінің өкілдерімен тығыз байланыста, көпшіліктің айтуынша көшбасшысы Седат Пекер болып табылады.

Седат Пекер- көптеген елдерде тыйым салынған және экстремистік деп танылған әскерилендірілген “Боз гурд”-“Сұр қасқырлар” жастар ұйымының бас демеушісі. Хизб-ут-Тахрир, Таблиғи Жамаат, АУМ Шинрикё, Әл-Нусра майданы сияқты бұл ұйымның қызметіне Қазақстанда да тыйым салынған. Пантүркизм мен “Сұр бөрілер” ұйымының байырғы өкілі – Түркияда көптен бері жасырынып жүрген дәл осы “Дикий Арман”.

Қылмыстық әлем иерархиясында Седат Пекер әзірбайжандық ұры Надир Салифовтың (Лота Гули) қамқоршысы болып саналды. Оның қол астында А.Жұмагелдиев болды.

Н.Салифов 2020 жылдың тамызында Түркияда өлтірілді және бұрын Захари Калашов (Шакро Молодой) кланынан шыққан ұрыны ұрып соққаны үшін сөзсіз А.Жұмагелдиевті де ТМД елдерінде өлім күтіп тұрды.

Сондықтан ол Түркияда қалып, Седат Пекердің қамқорлығына барды.

Қаңтар оқиғасы кезінде Түркиядан келген А.Жұмагелдиевтің “Қазақстан” қонақ үйіне неліктен қоныстанғаны осымен түсіндіріледі.

Седат Пекердің өзі түрік барлау қызметтерімен тығыз байланысты, бұл оның түріктің сот төрелігіне де, қылмыстық әлемдегі бәсекелестеріне де осал еместігін білдіреді.

Атап айтқанда, ол – Түркия президенті Ердоғанның ұлы Біләл Ердоғанмен дос. Ал Біләлдің Нұрсұлтан Назарбаевтың немере інісі, қазақ уаһабилері мен сәлафиттерінің жетекшісі Қайрат Сатыбалдымен байланысы бар.

 Біләл Ердоған тіпті Сарыағашта өткен Қайраттың марқұм әкесі, Нұрсұлтан Назарбаевтың інісі Сатыбалды Әбішұлы атындағы ислам орталығының салтанатты ашылуына құрметті қонақ ретінде қатысқан.

А.Жұмагелдиев Қ.Сатыбалды мен С.Пекерді байланыстырушы болды деп болжауға болады, әсіресе Қайрат ҰҚК-де жұмыс істеп жүргенде Арманның Қазақстанда заңға қарсы еш проблемаларының болмауына көп жылдар бойы кепіл болып отырған.

Жалғасы мына жерде: https://t.me/dalainside/1063

 

“Тәуелсіздік ұрпақтары”. Әр саланың үздік жастарына 1 млн теңгенің сертификаты табысталды

Мәдениет министрлігі медаль тарататын мекемеге айналып кетті

Маңғыстаулық шаруаларды қолдау мақсатында субсидияға мемлекеттен 1,9 млрд теңге бөлінді

TikTok қазақша сөйлей бастады

“Путиннен маза кетті…”. Жапония Ресейге қатысты стратегиясын түбегейлі өзгертті

Түркістан облысынан 2 мыңнан астам азамат солтүстікке қоныс аударды