Cоңғы жаңалықтар
Back

«Демонополизациялау басталды!» Теміржол мен мұнай-газ инфрақұрылымдары мемлекет меншігіне қайтарылады

ҚР Премьер-Министрі Әлихан Смайылов Қазақстан экономикасын демонополизациялау жөніндегі комиссияның кезекті отырысын өткізді, – деп хабарлайды Dalanews.kz.

Кезекті басқосуда теміржол тасымалында өндірістік процестің ажырамас бөлігі болып табылатын кейбір активтерді мемлекет меншігіне қайтару шараларын талқылады.

Премьер-Министр мүдделі мемлекеттік органдарға осы бағыттағы белсенді жұмысты жалғастыруды тапсырды.

Отырыс барысында бірқатар жеке компаниялардың меншік иелерінен 145 кірме теміржолын республика меншігіне беру туралы ұсыныстар келіп түскені айтылды.

Үкімет басшысы осы шараларды іске асыру үшін барлық қажетті рәсімдерді жүргізуді тапсырды.

Сонымен қатар комиссия мүшелері мұнай-газ саласының кейбір инфрақұрылымдық объектілерін мемлекет меншігіне қайтару жөніндегі жұмыстың барысын қарады.

Отырысты қорытындылай келе, Әлихан Смайылов жақын арада нақты нәтижелерге қол жеткізу үшін қаралған барлық мәселелер бойынша рәсімдерді жеделдетуді тапсырды.

Тағы оқыңыз:

Шетелдік автокөліктер қалай заңдастыралады (видео)

Шетелдік инвесторлар бір жылда Қазақстаннан 19,7 млрд доллар пайда тапқан

Атом электр станциялары туралы не білеміз?