Cоңғы жаңалықтар
Back

Жемқорлықпен сотталған шенді көшеде жүр – журналист

Журналист Асхат Ниязов қала ішіндегі жолдағы кептелісте Toyota Land Cruiser тізгіндеген Қуандық Бишімбаевты көріп, суретке түсіріп алыпты. Естеріңізде болса ҚР Ұлттық экономика министрлігін басқарған Бишімбаев 10 жылға сотталған алынған еді, – деп жазды KYN.KZ.

Экс-шенеунікке 1,2 млрд теңгені қолды қылды, 346 млн пара алды деген айып тағылған еді.

– Біздегі жағдай осы, ол өзіне берілген жазаның жартысын да қамауда өткізбегені ғой. Оны қамауға алған кезде мүлкі тәркіленген еді. Көріп тұрғандарыңыздай адам өзін жайлы, жақсы сезініп отыр. Мемлекеттік номеріне қарасам екі әріп.

Соған қарағанда қандай да бір мекеменің көлігі. Әлде сол компанияға жұмысқа тұрып алды ма? Әлде компания өзінікі шығар? Қорытындысы, 1,5 миллиард ұрла да 4 жыл жазаңды өте, әрі қарай қымбат көлігіңе отырып кете бер деген сөз ба? – деп журналист таңданысын жасыра алмады.

Журналистің жазбасына Антикор қызметі жауап беріп өтті.

Он жылға сотталған шенеунік қымбат көлікпен қала ішінде “ойқастап” жүр

Олардың мәліметінше, Бишімбаевқа 2018 жылдың 14 наурызында Астана ауданаралық соты үкім шығарған. Яғни, президенттің жемқорлардың жазасын қатаңдату шарасы қабылданбай тұрып қамалған.

– Президент жемқорлардың жазасын қатаңдату бойынша заңды 2020 жылы мақұлдап, қабылдады. Яғни, сот жемқор Бишімбаевқа он жыл қамау мерзімін шешсе ол сол он жылды толық қамауда өткізуі тиіс, – делінген Антикор өкілінің жауабында.

Сонымен қоса, жемқорлықпен күрес агенттігі бұл сұраққа жауап алу үшін сотқа хабарласу керектігін айтты.

Тағы оқыңыз:

Елордалықтардың алтын уақытын үнемдеп, өздерін жайлы сезінуі үшін бәрін жасаймыз – Мейрамбек Әшірбеков

Елде еріктілер қозғалысы дамып келеді