Cоңғы жаңалықтар
Back

“Мектеп оқушылары онлайн оқуы мүмкін бе?”. Аймағамбетов жауап берді

Оқу-ағарту министрі Асхат Аймағамбетов Zakon.kz-ке берген сұхбатында «Биыл эпидемиология жағдайы нашарласа, мектептер қашықтан оқытуы мүмкін бе?» деген сұраққа жауап берді.

Бас педагог онлайн оқытуға үзілді-кесілді қарсы екенін жеткізді. Оның ойынша, бала білімді тек мұғалімнен емес, сыныптастарынан да үйренеді.

Қашықтан оқыту болмайды деп үміттенемін. Арасында болатын шектеулерге байланысты қашықтан оқытуға үзілді-кесілді қарсымын және бұл дәстүрлі оқытумен тең келмейді деп есептеймін. Бұл жерде мәселе тек білімде емес, мұнда әлеуметтену мен әл-ауқат мәселесі де бар.

Балалар бір-бірімен қарым-қатынас жасауы керек. Өйткені олар мұғалім сыныпқа келіп, жаңа тақырыпты түсіндіріп бергенде ғана емес, үзілісте немесе асханада бір-бірімен араласқанда да үйренеді, – деді министр Асхат Аймағамбетов

Дегенмен коронавирус жұқтыру Қазақстанда күннен күнге өсіп келеді.

“Оқушылар онлайн оқуға көшуі мүмкін бе?” деген сауалға ол:

Бәрі мүмкін. Бірақ менің ұстанымым: қашықтан оқымауымыз керек. Былтыр аурушаңдықтың жоғарылағанына қарамастан мектептерде инфекция өршімегенін көрдік.

Мектепте оқыған балалар қашықтан оқитындарға қарағанда әлдеқайда аз ауырады. Өйткені мектепте тәртіп пен дисциплина көбірек.

Мектептер ең соңында жабылып, бірінші болып ашылуы керек. Ал базар мен дүкендер ашық болып, мектеп жабылса, бұл дұрыс емес, – деп жауап берді Оқу-ағарту министрі Асхат Аймағамбетов.

Фото: tengrinews.kz

Тағы оқыңыз:

Түркістан облысында патриоттар өте көп – Шөкеев

Болат Назарбаев сап-сау. Ол жауапкершіліктен жалтаруға тырысуда – журналист

Сенуге болмайды! Келсімді аяқасты ету Путин үшін түк емес

Рейстерді кешіктіргені үшін Air Astana әуе компаниясына айыппұл салынды

Баяғыда жастар карьерасын зауыт-фабрикада жасаса, қазір жиналыста жағымпазданып жасайтын болды

Декоммунизация: Украиндер Лев Толстай көшесіне Борис Джонсонның есімін берді

Түркістанның қауын-дарбызы Еуропаға экспортталуда

 

“Хәлі мүшкіл”. Болат Назарбаевқа тиесілі қор мәлімдеме жасады