Cоңғы жаңалықтар
Back

Путин қателігін ешқашан мойындамайды – Касьянов

Кезінде Ресей үкіметін басқарған, бүгінде оппозициялық саясаткер Михаил Касьянов Украинаның белді журналисті Димитрий Гордонға сұхбат беріп, алдағы уақытта Путин жаппай әскери мобилизация жасай алмайтынын айтты, – деп хабарлайды Dalanews.kz.

– Менің ойымша жақын уақытта Путин ел ішінде жаппай мобилизация жасай алмайды. Өйткені Путинге салсақ, қазір Украинада соғыс емес, әскери операция жүріп жатыр. Әскери операция үшін жаппай мобилизация жасау қисынға келмейді.

Мұндай жағдайда Путин әскери операцияны соғыс деп атып, өзі қиын жағдайда қалуы мүмкін. Путин халыққа «Мен Украинаға соғыс ашып қатты қателестім. Мен құрған режим мен менің билігімді құтқарыңдар!» деп айтқандай болады, – дейді Касьянов.  

Оппозициялық саясаткер Путин еш уақытта өзінің қателігін мойындамайтынын сол себепті жасырын мобилизация жасайтынын айтыпты.

– Алдағы уақытта Путиннің жандайшаптары жасырын мобилизация жасауға көшеді. Олар жұмыссыз жүрген адамдарға ақша ұсынып, соғысқа қатысуға үгіттейтін болады, – деді.