Джо Байден орыс алтынына эмбарго жарияламақ
АҚШ президенті Джо Байден «Үлкен жетілікке» мүше елдерді Ресейдің алтынына эмбарго жариялауға көндірді, – деп хабарлайды Dalanews.kz.
Алдағы күндері Германияда G7 елдерінің кезекті самиті өтеді. Басқосуда Ресейдің алтынына санкция салынатын болды.
Осылайша Ресейден тасымалданатын алтынға алғаш рет санкция салынбақшы. Қазіргі таңда АҚШ-тың Қаржы министрлігі жаңа санкцияны әзірлеу үстінде. Олар Ресей алтынын шектеуге қатысты шектеулерінің жай-жапсарын алдымыздағы бейсенбі күні жария ететін болады.
Осыған дейін салынған санкцияларда Ресей алтынын Батыс елдеріне экспорттау ісін қиындатқаны белгелі. Нәтижесінде Лондон мен Нью-Йорктегі сауда орындарын орыс алтынын саудалаудан бас тартқан-ды.
Енді тек алтынға арнап санкция салынатын болса, Ресейдің алтын өндіруші компаниялары ауыр соққы болатыны анық.
Бүгінде Ресей дүниежүзіндегі алтын өндірісінің 10%-ын құрайтынын ескерсек, бұл бағытта Кремльдің жағдайы қиындай түсетінін байқауға болады.
Тағы оқыңыз:
Түркия электромобиль өндірісін дамытуға білек сыбана кірісті
