Бұл туралы белгілі журналист Денис Кривошеев өзінің әлемжелідегі парақшасында жазды.
«Жуыр арада Бауыржан Қыдырғалиұлы есімді азаматқа халықаралық іздеу салынады деген сыбыс шықты. Соған қарағанда қажылықтың ұзаққа созылатын түрі бар. Байбектің өзі ғана емес, жұбайынан да жауап алынуы мүмкін. Бірақ ол ресми түрде декреттік демалыста», – делінген екен жазбада.
Бұл жағдайға қатысты әзірге ешқандай ресми мәлімдеме жасалған жоқ.
Бұған дейін, экс-президент Назарбаевтың немере інісі Қайрат Сатыбалды қамауға алынғасын, наурыздың аяғына таман Бауыржан Байбек Берлинге бас сауғалады деген ақпарат тараған-тұғын.