Cоңғы жаңалықтар
Back

«Тоқаев шетке кеткен 146 млрд долларды қайтару керек!». Ертісбаев талабын айтты

Қазақстан халық партиясының жетекшісі Ермұхамет Ертісбаев YouTube арнасындағы Арманжан Байтасовтың Live бағдарламасына берген сұхбатында миллиардерлердің дүниесін тәркілеу керек айтты, – деп хабарлайды Айқын газеті.

Оның айтуынша, 4 қаңтарда халық көтеріліске шықты. 5 қаңтар күні бейбіт ереуіл контрреволюцияға айналды. Халықты пайдаланып алаңға қылмыскерлер мен ұрлықшылар да шығып, заңсыз әрекеттерге елді бастап, дүрбелеңге салды. Осылайша, ереуіл қанды қырғынға айналғанын сөз етті.

– Тоқаевқа жаңа саяси құрылымды, жаңа әлеуметтік-экономикалық үлгіні қалыптастыру үшін халықтың қолдауы қажет. Ол үшін Президенттің елден шығарылған 146 миллиард  долларды қайтаруға ықпал жасауы дұрыс шешім.

Меніңше, 1990 жылдардағы жекешелендіру нәтижелерін қайта қарау керек. Сөйтіп, біржақты тәртіппен қазақстандық миллиардерлердің дүниесін тәркілеу қажет. Халық соны талап етеді. 146 миллиард қайтарылса, Қазақстан үшін үлкен серпіліс әрі жаңа белестерге жол ашылады, – деді Ертісбаев.

Авторы, Назгүл Ержанқызы

Тағы оқыңыз:

«Қажылық созылады». Байбекке халықаралық іздеу жариялануы мүмкін

Тоқаев «20 мың террорист» туралы пікір білдірді