Халықаралық балаларды қорғау күніне орай, ауыр дертке шалдыққан балалардың тілектерін орындау мақсатында «Тілектер ағашы» республикалық акциясы басталды, – деп хабарлайды Dalanews.kz.

1 маусымда алғашқы «Тілектер ағашы» Алматыда, Мақатаев көшесі, 127/1 мекенжайы бойынша орналасқан «MEGA Park» СОО-да қойылды.

Қаланың кез келген тұрғыны мен қонағы акцияға қатысып, «Тілектер ағашында» ілулі тұрған балалардың бір немесе бірнеше арман, тілектерін орындай алады.

Жуырда дәл осындай «Тілек ағаштары» Нұр-Сұлтан, Шымкент қалаларының  және еліміздің 14 өңіріндегі сауда-ойын-сауық орталықтарында орналастырылады.

Әлеуметтік жобаны, ҚР Ақпарат және қоғамдық даму министрлігінің тапсырысымен, Азаматтық бастамаларды қолдау орталығының демеуімен  «Медицина жастары» РҚБ және «Menin Armanym» КҚ бірлесіп жүзеге асыруда.