Cоңғы жаңалықтар
Back

Талдықорғанда қуғын-сүргін құрбандарына Құран бағышталды

Талдықорғанда саяси қуғын-сүргін құрбандарын еске алуға арналған митинг өтіп, Құран бағышталды.

Еске алу шарасына Алматы облысы әкімі Қанат Бозымбаев, жазықсыз атылған Ілияс Жансүгіровтың жиені Нұрпан Жансүгірова, ғылыми және шығармашылық зиялы қауым өкілдері қатысып, І.Жансүгіров ескерткішіне гүл шоқтарын қойып, қуған-сүргін құрбандарына тағзым етті.

Филология ғылымдарының докторы, профессор, «Ілиястанға» зерттеу орталығының жетекшісі Мұратбек Иманғазинов пен  облыстық ардагерлер кеңесінің төрағасы Ермек Келемсейіт  Ілияс Жансүгіровтың өмірі мен шығармашылығы, кеше мен бүгіннің жалғастығы жайлы айтты.

Содан кейін облыс әкімі «Иман» орталық мешітіне барып, 30-шы жылдардағы қуғын-сүргін құрбандарын еске алу үшін дұға оқыды.

Айта кету керек, бүгін осындай іс-шара Талғар ауданындағы Жаңалық ауылында да өтуде. Оған облыс әкімінің бірінші орынбасары Лаззат Тұрлашов қатысты.