Жозеп Боррель журналистерге берген сұхбатында соғыстан кейін Украинаны қалпына келтіру жұмыстары қолға алған сәтте жүздеген миллиард еуро қажет болатынан айта келе, бұл іске ЕуроОдақ аумағында бұғатталған Ресейдің активтерін бағыттауды ұсынды.
Дәл осыған ұқсас жағдай Ауғаныстан билігін тәліптер басып алғанда АҚШ олардың активтерін бұғаттап тастаған болатын.
Боррель Ресейдің Еуропа аумағындағы алтын валюталық қорын соғыс аяқталғаннан кейін репарация ретінде бағыттаудың маңызы зор екенін алға тартты.
Батыс елдері салған санкциялардан кейін Ресейдің Орталық банкінің 300 млрд доллар болатын алтын валюта қоры бұғатталған-ды. Алдағы уақытта бұғатталған осы қаржының бәрі Украинаны қалыпқа келтіруге бағытталуы мүмкін.
