Back

Мариупольда қоршауда қалған украин әскерлері бағынудан бас тартты

Мариуполь қаласында орыс күштерінің қоршауында қалған украин әскерлері бағынудан бас тартты. Бұл туралы Украина премьер-министрі Денис Шмыгаль мәлімдеді. 

Оның сөзінше, “қала әлі құлаған жоқ” және “украин армиясы Мариупольдың бірқатар бөлігін бақылауында ұстап тұр”.

Осыған дейін Ресейдің қорғаныс министрлігі украин әскері қаладағы “Азовсталь” зауытында жасырынып жатыр деген. РИА “Новости” агенттігі орыс күштері шабуыл жасап, Украина теңіз әскерлері 36-бригадасының командирі Владимир Баранюктың көзін жойғанын хабарлаған. Бұл мәліметті әзірге Киев растаған жоқ.

Ресейдің және “Донецк халықтық республикасы” деп аталған жікшіл аймақтардың күштері Мариуполь қаласын наурыздың басында қоршап алған.

Содан бері түрлі мәліметтер бойынша 1,5 мыңнан 3 мыңға дейінгі “Азоп” батальоны мен теңіз әскерлерінің 36-бригадасының жауынгерлері қала үшін шайқасып жатыр.

Украина билігінің мәліметіне сәйкес, орыс армиясының әскери шабуылынан қаладағы ғимараттардың 90% астамы талқандалған. Әзірге қаза болғандар жайлы толық мәлімет айтылмай жатыр. Бірақ құрбандар саны мыңдаған болуы мүмкін.

Тағы оқыңыз:

MEGA Silk Way Түркия, Грузия және Бурабайға жолдамалар ойнатуда

Демографиялық саясатты сауатты жүргізу экономикалық өсімге негіз болады – сарапшы