Шу қаласында Балалар жылы спорттық жарыстармен жалғасуда

Dalanews 16 сәу. 2022 15:15 185

Президенттік Жастар кадрлық резервінің мүшелері волонтерлік бастама ретінде Жамбыл облысының Шу қаласында үстел теннисінен республикалық турнир ұйымдастырып, Балалар жылына арналған жасөспірімдер арасында баскетболдан ашық аудандық турнир өткізді, – деп хабарлайды Dalanews.kz.

Іс-шараға Ақпарат және қоғамдық даму вице-министрі Александр Данилов қатысып, өскелең ұрпақтың бәсекеге қабілеттілік рухын қалыптастыру мен нығайтудың, оның ішінде дене шынықтыру және спортқа баулудың маңыздылығына тоқталды. Мұндай іс-шараларды жүзеге асыру үшін мемлекет, бизнес және қоғамдық сектор синергиясының қажеттігі ерекше аталды.

Спорт жарыстарында Қазақстанның әр өңірінен келген 150-ден астам балалар мен жасөспірімдер өз шеберліктерін көрсетті, жеңімпаздарға медальдар, грамоталар және естелік сыйлықтар табысталды.



Турнирлерді ұйымдастырушы, Президенттік Жастар кадрлық резервінің мүшесі Мақсат Джатабаев бұл эпидемиологиялық шектеулерге байланысты екі жылдық үзілістен кейін Балалар жылы аясында өткен алғашқы республикалық спорттық іс-шаралардың бірі екенін айта келіп, елдегі балалар спортын тек мемлекет тарапынан ғана емес, сонымен қатар, азаматтық және кәсіпкерлік қоғамдастықтар, бастамашыл топтар тарапынан да одан әрі қолдауға сенім білдірді.

Ұсынылған
Соңғы жаңалықтар
x