Cоңғы жаңалықтар
Back

ҰҚК шекара қызметінің экс-басшысы бостандыққа шықты

ҰҚК шекара қызметінің экс-басшысы Нұрлан Жоламанов мерзімінен бұрын бостандыққа шықты. Сот оның ауыратындығын ескерген, – деп хабарлайды Dalanews.kz.

Семейдің №2 сотымен Нұрлан Жоламановты шартты түрде мерзімінен бұрын босату туралы өтініші бойынша материалдар қаралды.

– Жазаны өтеу кезінде ол өзін жағымды жағынан көрсетті, іс жүргізу шығындарын төледі, сот үкімі бойынша азаматтық талап жоқ, оқу іс-шараларына және мекеменің қоғамдық өміріне белсенді қатысады, сондықтан жазаны толық өтеуді қажет етпейді, – деп хабарлады Семей қаласының № 2 сотының баспасөз қызметі.

Астана қаласының мамандандырылған ауданаралық әскери сотының 2015 жылғы 6 наурыздағы үкімімен Жоламанов 11 жылға бас бостандығынан айырылған еді. Оның мүлкі тәркіленді және жазасын қатаң режимдегі колонияда өтеді.

Еске сала кетейік, Нұрлан Жоламанов ірі көлемде пара алып, ұйымдасқан қылмыстық топ құрғаны үшін ұсталған болатын.

Сот залында Жоламанов кінәсін мойындамай, өзінің қамалауын «саяси тапсырыс» деп түсіндірді. Ал оның көмекшісі, осы іс бойынша кінәлі деп танылған Қайрат Балмағамбетов барлық кінәсін мойындады.

Бар кінәсін мойындап, істі жүргізуге көмектескені үшін сот Қайрат Балмағамбетовті жазалаған жоқ.

Нұрлан Жоламанов Шекара қызметіне 2013 жылдың қаңтарында келген болатын. Бұған дейін ол түрлі әскери қызметтерде болған.

Жоламанов жалпы есебі 250 млн теңге көлемінде пара алды деп айыпталды.

Тағы оқыңыз:

Нұр-Сұлтанда тұрғын үй сертификаты сомасы 1 млн теңгеден 1,5 млн теңгеге ұлғайды