Cоңғы жаңалықтар
Back

Германияның президенті сайланды

Франк-Вальтер Штайнмайер Германияның президенті болып екінші мерзімге сайланды. Оған федералдық кеңес мүшелерінің көбі дауыс берді.

Федаралдық кеңеске Бундестаг және федералдық жерлердің өкілдері кіреді.

Штайнмайердің кандидатурасын Германия социал-демократиялық партиясы, Еркін демократтар және «Жасылдар» партиясымен қатар ХДС/ХСС оппозициялық одағы қолдады. Оны «Германия үшін балама» мен «Солшылдар» партиясындағы оңшыл популисттер қолдамады.

Нәтижесінде Штайнмайерге 1425 депутаттың ішінен 1045-і дауыс берді. Deutsche Welle хабарлағандай, кеңестің 86 мүшесі дауыс беру құқығын пайдаланбады.

Екінші рет президент болып сайланғаннан кейін Штайнмайер демократияны қорғау маңызды екенін айтып, Еуропада қазір соғыс қауіпі тұрғанын жеткізді. Оның сөзінше, бұған Ресей жауапты. Ол бұл қауіптен шығудың жолын бірігіп іздеуге шақырды.

Штайнмайер 66 жаста. Ол осыған дейін Германияның сыртқы істер министрі және вице-канцлері болған.

Германияда билік негізінен канцлерде болғанымен, президенттік қызмет моральдық билік ретінде саналады.