Cоңғы жаңалықтар
Back

Қазақстанда бір күнде құқық қорғау саласында үш адамның қазасы жайлы хабарланды

Қазақстан ұлттық қауіпсіздік комитетінің полковнигі Азамат Ибраев көз жұмды. Оның мәйіті астанадағы өз үйінің ауласынан табылған. Бұл туралы ҰҚК хабаралды.

Қазір Есіл аудандық полиция бөлімшесі тергеу жүргізіп жатыр.

Осыған дейін қазақстандық телеграм каналдарда Ибраевтың өз-өзіне қол салғаны жайлы хабар тараған.

Ал ішкі істер министрлігі Жамбыл облысы полициясының бастығы генерал Жанат Сүлейменовтің қайтыс болғанын растады. Бұл жөнінде жергілікті ақпарат агенттіктері хабарлады.

Ведомство жағдайдың жай-жапсарын анықтап жатыр.

Бұған дейін журналист Михаил Козачков телеграмдағы арнасында Сүлейменовтің өзіне қол салғанын жазған.